ബത്തേരി കെഎസ്ആര്‍ടിസി ഡിപ്പോയിലെ കൊവിഡ് വ്യാപനം; മാനേജ്‌മെന്റും ആരോഗ്യവകുപ്പും അടിയന്തരമായി ഇടപെടണമെന്ന ആവശ്യവുമായി പൊതുജനങ്ങളും രംഗത്ത്. കഴിഞ്ഞ ഒരാഴ്ചക്കിടെ ഡിപ്പോയിലെ ജീവനക്കാരില്‍ കൊവിഡ് കുതിച്ചുയരുന്ന സാഹചര്യത്തിലാണ് ഈ ആവശ്യവുമായി പൊതുജനങ്ങളും രംഗത്തെത്തിയത്.
ബത്തേരി കെഎസ്ആര്‍ടിസി ഡിപ്പോയില്‍ ജീവനക്കാര്‍ക്ക് കൊവിഡ് വ്യാപകമാകുന്ന സാഹചര്യത്തില്‍ അടിയന്തര ഇടപെടല്‍ ആവശ്യപ്പെട്ട് പൊതുജനങ്ങളും രംഗത്തെത്തിയിരിക്കുന്നത്. പ്രശ്‌നത്തില്‍ അടിയന്തരമായി മാനേജ്‌മെന്റും ആരോഗ്യവകുപ്പും ഇടപെടണമെന്നാണ് ആവശ്യമുയരുന്നത്. കഴിഞ്ഞ ഒരാഴ്ചക്കിടെ 19പേര്‍ക്കാണ് ഡിപ്പോയിലെ ജീവനക്കാര്‍ക്ക് കൊവിഡ് സ്ഥിരീകരിച്ചത്. ഇതില്‍ പൊതുജനങ്ങളുമായി കൂടുതല്‍ ഇടപഴുകന്ന കണ്ടക്ടര്‍മാരും, െ്രെഡവര്‍മാരുമടക്കം ഉള്‍പ്പെടുന്നുവെന്നതാണ് പൊതുജനങ്ങളുടെ ആശങ്കക്കുംകാരണം. ഡിപ്പോയിലെ മുഴുവന്‍ ജീവനക്കാരെയും പരിശോധന നടത്തണമെന്നും ഇവര്‍ക്കാവശ്യമായ വാക്‌സിനേഷന്‍ നല്‍കണമെന്നുമാണ് ആവശ്യം ശക്തമാകുന്നത്.
