ലോകത്തിന്റെ പാപങ്ങളെല്ലാം സ്വന്തം ചുമലിലേറ്റി കുരിശിലേറിയ യേശുദേവന് മൂന്നാം നാള് ഉയിര്ത്തെഴുന്നേറ്റതിന്റെ ഓര്മ്മപുതുക്കി ലോകമെങ്ങുമുള്ള െ്രെകസ്തവര് നാളെ ഈസ്റ്റര് ആഘോഷിക്കുന്നു. ഈസ്റ്റര് യേശുക്രിസ്തു മരണത്തെ തോല്പിച്ചു മൂന്നാം ദിവസം ഉയിര്ത്തെഴുന്നേറ്റ ചരിത്രസംഭവത്തിന്റെ ഓര്മ്മ കൊണ്ടാടുന്ന പുണ്യദിനമാണ്. പരിപാവനത്തിന്റെ നന്മ ദിനമായി എല്ലാ ക്രിസ്ത്യാനികളും ഈസ്റ്റര് കൊണ്ടാടുന്നു.
കുരിശുമരണത്തെ ജയിച്ച് ക്രിസ്തു ഉത്ഥാനം ചെയ്തതിന്റെ ഓര്മയില് ദേവാലയങ്ങളില് തിരുക്കര്മങ്ങള് നടക്കും. അന്പത് ദിവസത്തെ നോമ്പാചരണത്തിന്റെ വിശുദ്ധിയോടെയാണ് വിശ്വാസികള് ഈസ്റ്റര് ആഘോഷിക്കുന്നത്. ഒശാന ഞായറിനാരംഭിച്ച വിശുദ്ധവാരവും അവസാനിക്കുകയാണ്.ഉയിര്പ്പുതിരുനാള് ആചരിക്കുമ്പോള് പാപത്തെ കീഴടക്കി പുതിയ മനുഷ്യനായി ഉയിര്ത്തെഴുന്നേല്ക്കുമെന്ന വിശ്വാസമാണ് െ്രെകസ്തവര്ക്കുള്ളത്. ലോകം പ്രതീക്ഷയുടെ ഉയിര്ത്തെഴുന്നേല്പ്പിലേക്ക്. ഏറെ നാളത്തെ നോമ്പിനുശേഷമാണ് െ്രെകസ്തവരുടെ പ്രധാന ആഘോഷമായ ഈസ്റ്റര് അഥവാ ഉയിര്പ്പു പെരുന്നാള് എത്തുന്നത്.