സംസ്ഥാനത്ത് ഇന്ന് ഇടിയോട് കൂടിയ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്. ഇടുക്കി, പാലക്കാട്, മലപ്പുറം, കോഴിക്കോട്, വയനാട് ജില്ലകളില് യല്ലോ അലേര്ട്ട് പ്രഖ്യാപിച്ചു. കിഴക്കന് കാറ്റ് ശക്തിപ്രാപിക്കുന്നതിന്റെയും ആഗോള കാലാവസ്ഥ പ്രതിഭാസമായ മാഡന് ജൂലിയന് ഓസിലേഷന്റെ സാന്നിധ്യവുമാണ് കേരളത്തില് ഈ ഒരാഴ്ച്ച മഴ ശക്തിപ്പെടാന് കാരണം.
ഞായര്, തിങ്കള് ദിവസങ്ങളിലും വിവിധ ജില്ലകളില് മഴമുന്നറിയിപ്പുണ്ട്.ഉച്ചയ്ക്ക് രണ്ട് മണി മുതല് 10 മണി വരെയുള്ള സമയത്ത് ഇടിമിന്നലിനുള്ള സാധ്യത കൂടുതലായതിനാല് പൊതുജനങ്ങള് ജാഗ്രത പാലിക്കണം. കേരള തീരത്ത് മത്സ്യ ബന്ധനത്തിന് തടസ്സമില്ല.
