ഒരുമാസത്തിനകം പരിഗണിക്കണമെന്ന് ഹൈക്കോടതി :അനുകൂലസമീപനം സ്വീകരിക്കണമെന്ന് പൊതുപ്രവര്‍ത്തകര്‍
മാനന്തവാടി ജില്ലാശുപത്രി മെഡിക്കല്‍ കോളേജാക്ക ണമെന്ന നിവേദനം ഒരു മാസത്തിനകം പരിഗണിക്ക ണമെന്ന് സംസ്ഥാന ആരോഗ്യവകുപ്പ് സെക്രട്ടറിക്ക് ഹൈക്കോടതി നിര്‍ദ്ദേശം.
കേന്ദ്രപദ്ധതിയിലുള്‍പ്പെടുത്തുന്നതില്‍ സംസ്ഥാന സര്‍ക്കാര്‍ വീഴ്ചവരുത്തിയെന്ന് കാണിച്ചാണ് നിവേദക സംഘം ഹൈക്കോടതിയെ സമീപിച്ചത്. കോടതിവിധിയുടെ പശ്ചാത്തലത്തില്‍ സര്‍ക്കാര്‍ ഇക്കാര്യത്തില്‍ അനുകൂലസമീപനം സ്വീകരി ക്കണമെന്ന് കോടതിയെ സമീപിച്ച പൊതുപ്രവര്‍ ത്തകര്‍ വാര്‍ത്താ സമ്മേളനത്തില്‍ ആവശ്യപ്പെട്ടു.
ജില്ലാ ആശുപത്രിമെഡിക്കല്‍ കോളേജായി ഉയര്‍ത്തണമെന്ന പൊതുതാല്‍പ്പര്യഹര്‍ജിയുമായി മാനന്തവാടിയിലെ 14 പൊതുപ്രവര്‍ത്തകരാണ് അഡ്വക്കറ്റ് സിറിയക് ഫിലിപ്പിന്റെ സഹായ ത്തോടെ കോടതിയെസമീപിച്ചത്.കേന്ദ്ര പദ്ധതി പ്രകാരം മെഡിക്കല്‍ കോളേജാക്കി ഉയര്‍ത്ത നാവശ്യമായ എല്ലാ സാഹചര്യവും നിലനില്‍ക്കെ ഇതിനാവശ്യമായ പ്രപ്പോസല്‍ പോലും സംസ്ഥാന സര്‍ക്കാര്‍ കേന്ദ്രത്തിന് നല്‍കിയില്ല.ഇത് സംബന്ധിച്ച് ജില്ലയിലെ മൂന്ന് ജനപ്രതിനിധകളെ ഉള്‍പ്പെടെ സമീപിച്ച് കാര്യങ്ങള്‍ ധരിപ്പിച്ചിട്ടും ഫലമുണ്ടാ യില്ല.ഇതേതുടര്‍ന്നാണ് എത്രയും വേഗത്തില്‍ മെഡിക്കല്‍ കോളേജ് സ്ഥാപിച്ചു കിട്ടാന്‍ കോടതി യെ സമീപിച്ചതെന്ന് പൊതുപ്രവര്‍ത്തകര്‍ പറഞ്ഞു.
ഐപി വിഭാഗത്തില്‍ 500 പേരെ കിടത്തി ചികിത്സിക്കാനുള്ള സൗകര്യവും സ്വന്തമായി 8.74 ഏക്കര്‍ ഭൂമിയും ജില്ലാ ആശുപത്രിക്കുണ്ട്.ഇതിന് പുറമെ തൊട്ടടുത്ത് തന്നെയുള്ള നല്ലൂര്‍നാട് ഗവ.ആശുപത്രിയും സര്‍ക്കാരിന്റെ തന്നെ കൈവശമുള്ള ഭൂമികളും ഈ ആവശ്യത്തി ലേക്കായി ഉപയോഗപ്പെടുത്താനാവുമെന്നും ഹര്‍ജിയില്‍ ചൂണ്ടിക്കാട്ടിയിരുന്നു.
മാനന്തവാടിയില്‍ മെഡിക്കല്‍ കോളേജ് സ്ഥാപി ച്ചാല്‍ അയല്‍ജില്ലകളായ കണ്ണൂര്‍, കോഴി ക്കോട് ജില്ലകളിലെ വയനാടിനോട് ചേര്‍ന്ന പ്രദേശ ത്തുകാര്‍ക്കും കര്‍ണ്ണാടക അതിര്‍ത്തി ഗ്രാമങ്ങളി ലുള്ളവര്‍ ഏറെ പ്രയോജനകര മാവുമെന്നും ഹര്‍ജിയില്‍ ചൂണ്ടിക്കാട്ടി.
അടുത്തഘട്ടത്തിലെങ്കിലും സംസ്ഥാനസര്‍ക്കാര്‍ പ്രപ്പോസല്‍ നല്‍കാന്‍ നിര്‍ദ്ദേശിക്കുകയോ സ്വന്തം നിലയില്‍ അപ്ഗ്രേഡ് ചെയ്യുകയോ വേണ മെന്നാ യിരുന്നു ഹര്‍ജിക്കാരുടെ ആവശ്യം.എന്നാല്‍ ജില്ലാ ആശുപത്രി മെഡിക്കല്‍ കോളേജായി ഉയര്‍ത്തുന്നത് സര്‍ക്കാരിന്റെ നയപരമായ തീരുമാനമാണെന്ന് സര്‍ക്കാര്‍ അഭിഭാഷകന്‍ അറിയിച്ചതിനെ തുടര്‍ ന്നാണ് ഒരു മാസത്തിനകം തീരുമാന മെടുക്കാന്‍ ആരോഗ്യവകുപ്പ് സെക്രട്ടറിക്ക് ഹൈക്കോടതി നിര്‍ദ്ദേശം നല്‍കിയത്.ഈ ആവശ്യമുന്നയിച്ച് അടുത്ത മാസം ജില്ലയിലെത്തുന്ന മുഖ്യമന്ത്രിയെ നേരില്‍ കാണുമെന്നും ബാബുഫിലിപ്പ്,കെ എ ആന്റണി,ഫാ.വര്‍ഗ്ഗീസ് തുടങ്ങിയവര്‍ വാര്‍ത്താ സമ്മേളനത്തില്‍ അറിയിച്ചു.
