മതിയായ രേഖകളില്ലാതെ കൊണ്ടുവന്ന പണവുമായി യുവാവിനെ വാഹന പരിശോധനക്കിടെ മുത്തങ്ങ എക്സൈസ് അധികൃതര്‍ പിടികൂടി. കമ്പളക്കാട് സ്വദേശിയായ അജ്മല്‍(25) ആണ് പിടിയിലായത്. ഇയാളുടെ കൈവശമുണ്ടായിരുന്ന ബാഗില്‍ നിന്നുമാണ് പത്ത് ലക്ഷം രൂപ കണ്ടെടുത്തത്. ഉച്ചയ്ക്ക് ശേഷം 3.30 യോടെയാണ് സംഭവം. കര്‍ണാടക ആര്‍.ടി.സി ബസ്സില്‍ നിന്നുമാണ് ഇയാളെ പണവുമായി പിടികൂടിയത്. പരിശോധനയ്ക്ക് എക്സൈസ് ഇന്‍സ്പെക്ടര്‍ ബെന്നി ജോര്‍ജ്, പി.ഇ.ഒമാരായ വി.ആര്‍. ബാബുരാജ്, പ്രഭാകരന്‍, സി.ഇ.ഒമാരായ ജോണി, സാബു എന്നിവര്‍ നേതൃത്വം നല്‍കി. ഇയാളെയും പണവും പിന്നീട് ബത്തേരി പോലീസിന് കൈമാറുമെന്നും അധികൃതര്‍ അറിയിച്ചു.
