2018- എസ്.എസ്.എല്‍.സി, പ്ലസ്ടു വിജയികളായ കല്‍പ്പറ്റ വ്യാപാരി വ്യവസായി സഹകരണ സംഘം മെമ്പര്‍മാരുടെ മക്കള്‍ക്ക് അവാര്‍ഡുകള്‍ നല്‍കി. ജില്ലാ വിദ്യാഭ്യാസ ഉപഡയറക്ടര്‍ കെ. പ്രഭാകരന്‍ ഉദ്ഘാടന ചടങ്ങില്‍ മുഖ്യ പ്രഭാഷണവും, സമ്മാന ദാനവും നിര്‍വഹിച്ചു. സംഘം പ്രസിഡന്റ് പി. യൂസഫ് അധ്യക്ഷത വഹിച്ചു. ബേബി പാറ്റാനി സ്വാഗതം പറഞ്ഞു. കെ. കുഞ്ഞിരായിന്‍ ഹാജി, ഇ. ഹൈദ്രു, വി. മൂസ്സ ഗൂഡലായ്, കെ.അബ്ദുള്ള ഹാജി, അബ്ദുറഹിമാന്‍ തനിമ, പ്രാണിയത്ത് അബ്ദുറഹിമാന്‍, കെ.കെ. ജോണ്‍സണ്‍, സജി കല്ലടാസ് എന്നിവര്‍ സംസാരിച്ചു. സെക്രട്ടറി പി.സി. കൃഷ്ണാനന്ദ് നന്ദി പറഞ്ഞു.
