സുല്‍ത്താന്‍ബത്തേരി നഗരസഭയില്‍ എല്‍ഡിഎഫ് സ്ഥാനാര്‍ത്ഥികള്‍ നാമനിര്‍ദ്ദേശപത്രിക സമര്‍പ്പിച്ചു.സി.പി.എമ്മിന്റെ 28 സ്ഥാനാര്‍ത്ഥികളടക്കം 35 പേരാണ് ഇന്ന് ഉച്ചയോടെ ടൗണ്‍ ഹാളിലെത്തി വരണാധികാരിക്കു മുന്നില്‍ നാമനിര്‍ദേശ പത്രിക സമര്‍പ്പിച്ചത്.
ഉച്ചയ്ക്ക് 12 മണിയോടെ 35 ഡിവിഷനുകളിലേക്കുമുള്ള സ്ഥാനാര്‍ത്ഥികള്‍ നേതാക്കള്‍ക്കൊപ്പം നഗരസഭ ടൗണ്‍ ഹാളിലെത്തി കൊവിഡ് മാനദണ്ഡങ്ങള്‍ പാലിച്ചാണ് പത്രിക സമര്‍പ്പിച്ചത്. 35 ഡിവിഷനുകളില്‍ 28 സീറ്റുകളില്‍ സിപിഎമ്മും ഘടകകക്ഷികളായ സി.പി.ഐ 2, കേരള കോണ്‍ഗ്രസ് മാണി വിഭാഗം 2, എന്‍.സി.പി, ജനതാദള്‍ എസ് ,ഐ.എന്‍ .എല്‍ എന്നിവര്‍ ഓരോ സിറ്റുകളിലുമാണ് മത്സരിക്കുന്നത്.
ബത്തേരി നഗരസഭാ മുന്‍ ചെയര്‍മാന്‍ സി കെ സഹദേവന്‍, റ്റി.കെ രമേശ്, കെ റഷീദ്,സാലി പൗലോസ്, പി കെ സുമതി, സലിം മഠത്തില്‍ എന്നിവരടങ്ങുന്നതാണ് എല്‍ഡിഎഫില്‍ സ്ഥാനാര്‍ത്ഥി പട്ടിക.അതേസമയം യുഡിഎഫിന്റെ പത്രിക സമര്‍പ്പണം നാളെയുണ്ടാവുമെന്നാണ് ലഭിക്കുന്ന സൂചന.
