അഴിമതിയില്‍ മുങ്ങിക്കുളിച്ച പിണറായി സര്‍ക്കാരിന് അധികാരത്തില്‍ തുടരാന്‍ അര്‍ഹതയില്ലെന്ന് ഡിസിസി പ്രസിഡന്റ് ഐസി ബാലകൃഷ്ണന്‍ എം.എല്‍.എ. ബത്തേരി നിയോജക മണ്ഡലം യു ഡി എഫ് കമ്മിറ്റി നേതൃത്വത്തില്‍ എല്‍ ഡി എഫ് സര്‍ക്കാരിന്റെ അഴിമതി ഭരണം അവസാനിപ്പിക്കുക, മുഖ്യമന്ത്രി പിണറായി വിജയനും, മന്ത്രി കെ ടി ജലീലും രാജിവെക്കുക തുടങ്ങിയ ആവശ്യങ്ങളുന്നയിച്ച് യുഡിഎഫ് നടത്തുന്ന സ്പീക്ക് അപ്പ് കേരള സത്യാഗ്രഹ സമരം ഉദ്ഘാടനം ചെയ്യുകയായിരുന്നു അദ്ദേഹം. യു ഡി ഫ് ബത്തേരി നിയോജക മണ്ഡലം ചെയര്‍മാന്‍ കെ കെ എബ്രഹാം അധ്യക്ഷനായിരുന്നു. കെ പി സി സി അംഗം കെ എല്‍ പൗലോസ്, ഡിസിസി ജനറല്‍ സെക്രട്ടറിമാരായ എന്‍ യു ഉലഹന്നാന്‍, പി ഡി സജി എന്നിവര്‍ സംസാരിച്ചു.
