ഇന്ത്യന്‍ വ്യോമസേനാ ദിനത്തിന്റെ ഭാഗ മായി ഡല്‍ഹിയില്‍ നടക്കുന്ന ആഘോഷ പരിപാടിയില്‍ റഫേല്‍ വിമാനങ്ങള്‍ ഫ്‌ളൈ പാസ്റ്റ് നടത്തും. ഒക്ടോബര്‍ എട്ടിനാണ് വ്യോമസേനാ ദിനം.
വ്യോമ സേനയാണ് ഇക്കാര്യം ട്വിറ്ററിലൂടെ അറിയിച്ചത്. റഫേലിന് പുറമേ സുഖോയ് ഉള്‍പ്പെടെയുള്ള വിമാനങ്ങളും ഫ്‌ളൈ പാസ്റ്റിന്റെ ഭാഗമാകും. റഫേല്‍ വിമാനങ്ങളുടെ ഫ്‌ളൈ പാസ്റ്റ് വ്യോമ സേന ദിനാഘോഷ പരിപാടികളുടെ മാറ്റ് കൂട്ടുമെന്നാണ് വിലയിരുത്തല്‍.
ആഗസ്റ്റ് അവസാനം ഇന്ത്യയില്‍ എത്തിയ റഫേല്‍ വിമാനങ്ങള്‍ സെപ്തംബര്‍ 10 ന് നടന്ന ചടങ്ങിലാണ് ഔദ്യോഗികമായി വ്യോമസേനയുടെ ഭാഗമായത്. പിന്നീട് സംഘര്‍ഷാവസ്ഥയുടെ പശ്ചാത്തലത്തില്‍ വിമാനങ്ങള്‍ ലഡാക്ക് അതിര്‍ത്തിയില്‍ വിന്യസിക്കുകയായിരുന്നു. നിലവില്‍ ശക്തമായ നിരീക്ഷണമാണ് അതിര്‍ത്തിയില്‍ വിമാനങ്ങള്‍ നടത്തുന്നത്.
