ജില്ലാ സ്റ്റുഡന്റസ് ട്രാവലിങ് ഫെസിലിറ്റി കമ്മിറ്റി
മോട്ടോര്‍ വാഹന വകുപ്പ് വിദ്യാര്‍ത്ഥികളുടെ കണ്‍സഷന്‍ കാര്‍ഡ് വിതരണവുമായി ബന്ധപ്പെട്ട് ജൂണ്‍ ആറിന് ഉച്ചയ്ക്ക് 2.30 ന് കളക്ടറേറ്റ് മിനി കോണ്‍ഫറന്‍സ് ഹാളില്‍ ജില്ലാ സ്റ്റുഡന്റസ് ട്രാവലിങ് ഫെസിലിറ്റി കമ്മിറ്റി യോഗം ചേരുമെന്ന് റീജണല്‍ ട്രാന്‍സ്പോര്‍ട്ട് ഓഫീസര്‍ അറിയിച്ചു.
അധ്യാപക നിയമനം
മൂലങ്കാവ് ഗവ ഹയര്‍സെക്കന്‍ഡറി സ്‌കൂളില്‍ എച്ച്.എസ്.ടി ജൂനിയര്‍ ഹിന്ദി ടീച്ചര്‍ തസ്തികയിലേക്ക് അധ്യാപക നിയമനം നടത്തുന്നു. താത്പര്യമുള്ള ഉദ്യോഗാര്‍ത്ഥികള്‍ യോഗ്യതാ സര്‍ട്ടിഫിക്കറ്റിന്റെ അസലുമായി ജൂണ്‍ നാലിന് രാവിലെ 10 ന് സ്‌കൂള്‍ ഓഫീസില്‍ നടക്കുന്ന അഭിമുഖത്തിന് പങ്കെടുക്കണം. ഫോണ്‍- 9947532630
ക്ഷേമ പെന്ഷന് മസ്റ്ററിങ് പൂര്‍ത്തിയാക്കണം
ജില്ലയില്‍ നിന്നും കെട്ടിട നിര്‍മ്മാണ തൊഴിലാളി ക്ഷേമബോര്‍ഡില്‍ നിന്നും പെന്ഷന് കൈപ്പറ്റുന്ന മുഴുവന്‍ പെന്‍ഷണര്‍മാരും ജൂണ്‍ 25 മുതല്‍ ഓഗസ്റ്റ് 24 വരെയുള്ള തിയതികളില്‍ അക്ഷയ കേന്ദ്രങ്ങള്‍ മുഖേന വാര്‍ഷിക മസ്റ്ററിങ് പൂര്‍ത്തിയാക്കണമെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു. ഫോണ്‍- 04936 204490
സ്പോട്ട് അഡ്മിഷന്‍
കേരള മീഡിയ അക്കാദമി കൊച്ചിയില്‍ ആരംഭിക്കുന്ന ഫോട്ടോ ജേണലിസം കോഴ്സിലേക്ക് സ്‌പോര്‍ട്ട് അഡ്മിഷന്‍ നടത്തുന്നു. പ്ലസ്ടുവാണ് അടിസ്ഥാന യോഗ്യത. മീഡിയ അക്കാദമിയില്‍ ജൂണ്‍ നാലിന് പ്രവേശനം നടക്കും. മൂന്ന് മാസം ദൈര്‍ഘ്യമുള്ള കോഴ്സിലേക്ക് 25,000 രൂപയാണ് ഫീസ്. താത്പര്യമുള്ളവര്‍ ആധാര്‍ കാര്‍ഡ്, യോഗ്യതാ സര്‍ട്ടിഫിക്കറ്റിന്റെ അസല്‍, പകര്‍പ്പ്, പാസ്പോര്‍ട്ട് സൈസ് ഫോട്ടോ സഹിതം രാവിലെ 11 ന് എത്തണം. ഫോണ്‍- 8281360360, 0484-2422275.
അഗ്രി സ്റ്റാക്ക് രജിസ്ട്രേഷന്‍ ദീര്‍ഘിപ്പിച്ചു
കര്‍ഷകര്‍ക്ക് പിഎം കിസാന്‍ ആനുകൂല്യം സ്വീകരിക്കാനും കര്‍ഷകരുടെ ഡാറ്റ, കൃഷിയുമായി ബന്ധപ്പെട്ട സേവനങ്ങള്‍ ഏകീകരിക്കാന്‍ തയ്യാറാക്കിയ അഗ്രി സ്റ്റാക്ക് ഡിജിറ്റല്‍ പ്ലാറ്റ്ഫോമിലേക്ക് രജിസ്ട്രേഷന്‍ നടത്താനുള്ള തിയതി ജൂലൈ 30 വരെ ദീര്‍ഘിപ്പിച്ചതായി പ്രിന്‍സിപ്പല്‍ കൃഷി ഓഫീസര്‍ അറിയിച്ചു. കര്‍ഷകര്‍ കൃഷിഭവന്‍ മുഖേന രജിസ്ട്രേഷന്‍ പൂര്‍ത്തിയാക്കണം.
ഗസ്റ്റ് അധ്യാപക നിയമനം
മാനന്തവാടി ഗവ കോളജില്‍ കൊമേഴ്‌സ് വിഭാഗത്തില്‍ ഗസ്റ്റ് അധ്യാപക നിയമനം. കോഴിക്കോട് കോളേജ് വിദ്യാഭ്യാസ ഡെപ്യൂട്ടി ഡയറക്ടറുടെ ഓഫീസ് തയ്യാറാക്കിയ പാനലിലുള്‍പ്പെട്ടവര്‍ യോഗ്യതാ സര്‍ട്ടിഫിക്കറ്റിന്റെ അസലും പകര്‍പ്പുമായി ജൂണ്‍ നാലിന് രാവിലെ 10.30 ന് കോളജ് ഓഫീസില്‍ നടക്കുന്ന അഭിമുഖത്തില്‍ പങ്കെടുക്കണം. ഫോണ്‍: 04935 240351
അധ്യാപക നിയമനം
പനമരം ഗവ ഹയര്‍സെക്കന്‍ഡറി സ്‌കൂളില്‍എച്ച്.എസ്.ടി ഇംഗ്ലീഷ് തസ്തികയില്‍ ദിവസവേതനാടിസ്ഥാനത്തില്‍ അധ്യാപക നിയമനം നടത്തുന്നു. യോഗ്യതാ സര്‍ട്ടിഫിക്കറ്റിന്റെ അസലുമായി ജൂണ്‍ നാലിന് രാവിലെ 10. 30 ന്സ്‌കൂള്‍ ഓഫീസില്‍നടക്കുന്ന കൂടിക്കാഴ്ചയില്‍പങ്കെടുക്കണം.
പ്രീ പ്രൈമറി അധ്യാപക നിയമനം
പനമരം ഗവ ഹയര്‍സെക്കന്‍ഡറി സ്‌കൂളില്‍ പ്രീ പ്രൈമറി തസ്തികയില്‍ ദിവസവേതനാടിസ്ഥാനത്തില്‍അധ്യാപക നിയമനം നടത്തുന്നു. യോഗ്യത സര്‍ട്ടിഫിക്കറ്റുകളുടെ അസലുമായി ജൂണ്‍ അഞ്ചിന് രാവിലെ 10. 30 ന്സ്‌കൂള്‍ ഓഫീസില്‍കൂടിക്കാഴ്ചക്ക് എത്തണം.
വായ്പാ പദ്ധതിയിലേക്ക് അപേക്ഷിക്കാം
സംസ്ഥാന പിന്നാക്ക വികസന കോര്‍പറേഷന്റെ മാനന്തവാടി ഉപജില്ലാ ഓഫീസ് പിന്നാക്ക, മതന്യൂനപക്ഷ വിഭാഗങ്ങളില്‍ നിന്നും വിവിധ വായ്പാ പദ്ധതികളിലേക്ക് അപേക്ഷ ക്ഷണിച്ചു. സ്വയം തൊഴില്‍, സ്റ്റാര്‍ട്ടപ്പ്, വിവാഹ ധനസഹായം, പ്രവാസി സുരക്ഷ, വിദ്യാഭ്യാസ- വ്യക്തിഗത- വാഹന വായ്പകളിലേക്കാണ് അപേക്ഷിക്കാം. അപേക്ഷകര്‍ മാനന്തവാടി താലൂക്കില്‍ സ്ഥിര താമസക്കാരായ 18 നും 55 നും ഇടയില്‍ പ്രായമുള്ളവരായിരിക്കണം. ഫോണ്‍- 04935 293055, 04935 293015, 6282019242
സോഫ്റ്റ്വെയര്‍ ഡെവലപ്പര്‍ നിയമനം
ജില്ലാ ദുരന്ത നിവാരണ അതോറിറ്റി സോഫ്റ്റ് വെയര്‍ ഡെവലപ്പര്‍ തസ്തികയിലേക്ക് നിയമനം നടത്തുന്നു. എം.സി.എ, എം.എസ്.സി കമ്പ്യൂട്ടര്‍ സയന്‍സ്, എം.ടെക്, എം.ഇ (കമ്പ്യൂട്ടര്‍ സയന്‍സ് ഐ ടി), ബി.ഇ, ബി.ടെക് (കമ്പ്യൂട്ടര്‍ സയന്‍സ് ഐ ടി) യോഗ്യതയുള്ളവര്‍ക്ക് അപേക്ഷിക്കാം. ഉദ്യോഗാര്‍ത്ഥികള്‍ ജൂണ്‍ അഞ്ചിന് വൈകിട്ട് അഞ്ചിനകം https://forms.gle/EFpQsepCTUPt17889 ല്‍ പൂരിപ്പിച്ച് അപേക്ഷ നല്‍കണം. കൂടുതല്‍ വിവരങ്ങള്‍ wayanad.gov.in ലഭിക്കും.
