വെള്ളമുണ്ട ഗവണ്‍മെന്റ് മോഡല്‍ ഹയര്‍ സെക്കണ്ടറി സ്‌കൂളില്‍ പുതുതായി അനുവദിച്ച സംരക്ഷണ ഭിത്തിയുടേയും ഫില്‍റ്റര്‍ വാട്ടര്‍ കുടിവെള്ള പദ്ധതിയുടേയും ശിലാസ്ഥാപന കര്‍മ്മം മാനന്തവാടി ബ്ലോക്ക് പഞ്ചായത്ത് വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ടി.എം ഖമര്‍ ലൈല നിര്‍വഹിച്ചു. മാനന്തവാടി ബ്ലോക്ക് പഞ്ചായത്ത് 2020-2021 വാര്‍ഷികപദ്ധതിയില്‍ ഉള്‍പ്പെടുത്തിയാണ് പദ്ധതികള്‍ നടപ്പിലാക്കുന്നത്.
7 ലക്ഷം രൂപ സ്‌കൂള്‍ സംരക്ഷണ ഭിത്തിക്കും അഞ്ചു ലക്ഷം രൂപ ക്ലാസ് റൂമുകളില്‍ ലഭ്യമാക്കുന്നതിനുള്ള ഫില്‍റ്റര്‍ വാട്ടര്‍ കുടിവെള്ള പദ്ധതിക്കും ചെലവഴിക്കുന്നുണ്ട്.വെള്ളമുണ്ട ഗവണ്‍മെന്റ് മോഡല്‍ ഹയര്‍ സെക്കണ്ടറി സ്‌കൂള്‍ പിറ്റിഎ പ്രസിഡന്റ് ടി.കെ മമ്മൂട്ടി അധ്യക്ഷനായിരുന്നു. സ്‌കൂള്‍ പ്രിന്‍സിപ്പാള്‍ പി.സി തോമസ് മാസ്റ്റര്‍,സ്‌കൂള്‍ ഹെഡ്മിസ്ട്രസ് പി.കെ സുധ,മുന്‍ ഹെഡ്മാസ്റ്റര്‍ എം.മമ്മുമാസ്റ്റര്‍,രഞ്ജിത്ത് മാനിയില്‍,നൗഷാദ് കോയ, സുനില്‍ജ മുനീര്‍,പി.എം മമ്മൂട്ടി, ടി.ഭാസ്‌കരന്‍,എല്‍ദോസ് സി.എം,പ്രസാദ് വി.കെ,രാജേഷ് കെ.ആര്‍,ഡെയ്‌സി ടി.ഐ,കെ.അബ്ദുല്‍ സലാം, സി.നാസര്‍, ബി.ആര്‍ രാജേഷ് കുമാര്‍ തുടങ്ങിയവര്‍ സംസാരിച്ചു.
