പടിഞ്ഞാറത്തറ പഞ്ചായത്തില്‍ കോവിഡ് പോസിറ്റീവ് രോഗികളുടെ എണ്ണം വര്‍ദ്ധിക്കുന്നു.ഇന്നലെ മാത്രം സ്ഥിരീകരിച്ചത് 42 പോസിറ്റീവ് കേസുകളാണ്. പോലീസുകാര്‍ക്കും ഓട്ടോഡ്രൈവര്‍മാര്‍ക്കും കോവിഡ് സ്ഥിരീകരിച്ചതോടെ കൂടുതല്‍ ആശങ്കകളും ഉയര്‍ന്നിട്ടുണ്ട്.
കഴിഞ്ഞ ദിവസം കാപ്പുംകുന്ന്, കുപ്പാടിത്തറ എന്നിവിടങ്ങളില്‍ നിന്നും സാമ്പിളെടുത്ത് നടത്തിയ ആര്‍ടിപിസിആര്‍ പരിശോധനയില്‍ ഫലം വന്നപ്പോള്‍ ഇന്ന് 42 പോസിറ്റീവ് കേസുകളാണ് പടിഞ്ഞാറത്തറയില്‍ റിപ്പോര്‍ട്ട് ചെയ്തത്.പടിഞ്ഞാറത്തറ പോലീസ് സ്റ്റേഷനിലെ നാല് പോലീസുകാര്‍ക്ക് ഇന്നലെ കോവിഡ് പോസിറ്റീവ് സ്ഥിരീകരിച്ചു.സ്റ്റേഷനില്‍ പ്രതിയെ ജാമ്യത്തിലിറക്കാ നെത്തിയ ഓട്ടോഡ്രൈവറില്‍ നിന്നാണ് രോഗം പകര്‍ന്നതെന്നാണ് സൂചന.ഓട്ടോഡ്രൈവര്‍ക്ക് ഏതാനും ദിവസം മുമ്പ് രോഗംസ്ഥിരീകരിച്ചതിനെ തുടര്‍ന്ന് ഇയാളുമായി സമ്പര്‍ക്കത്തിലുള്ള പോലീസുകാര്‍ ക്വാറന്റൈനില്‍ കഴിയുകയായിരുന്നു.ഇവര്‍ക്ക് നടത്തിയ ആന്റിജന്‍ പരിശോധനയില്‍ ഫലം നെഗറ്റീവായ തിനെതുടര്‍ന്ന് പോലീസുകാര്‍ സ്റ്റേഷനില്‍ തിരിച്ചെത്തുകയും ചെയ്തു.എന്നാല്‍ ഇവരില്‍ ആര്‍ടിപിസിആര്‍ പരിശോധന നടത്തിയതിലാണ് നാല് പേര്‍ക്ക് കോവിഡ് പോസിറ്റീവ് സ്ഥിരീകരിച്ചത്.ഇതിന് പുറമെ ടൗണിലെ ചില ഓട്ടോഡ്രൈവര്‍മാര്‍ക്കും ബാര്‍ബര്‍ക്കും കോവിഡ് സ്ഥിരീകരിച്ചത് കൂടുതല്‍ ആശങ്കകള്‍ക്കിട യാക്കിയിട്ടുണ്ട്.ടൗണുള്‍പ്പെടെയുള്ള മൂന്ന് വാര്‍ഡുകള്‍ ജില്ലാ ഭരണകൂടം കണ്ടൈന്‍മെന്റ്സോണില്‍ ഉള്‍പ്പെടുത്തി നിയന്ത്രണങ്ങള്‍ കര്‍ശനമാക്കിയിട്ടുണ്ട്.
