സൗദി അറേബ്യയില്‍ കോവിഡ് ബാധിച്ച് ചികിത്സയിലായിരുന്ന 28 പേര്‍ കൂടി മരിച്ചു. 1148 പേര്‍ രോഗമുക്തി നേടിയതായും സൗദി ആരോഗ്യ മന്ത്രാലയം അറിയിച്ചു.രാജ്യത്ത് 312,924 പേര്‍ക്കാണ് ഇതുവരെ രോഗം സ്ഥിരീകരിച്ചത്. ഇവരില്‍ 287,403 ഇതിനകം രോഗമുക്തി നേടിയതോടെ രാജ്യത്തെ രോഗമുക്തരുടെ നിരക്ക് 91.8 ശതമാനമായി ഉയര്‍ന്നു. ചികിത്സയില്‍ കഴിയുന്നവരുടെ എണ്ണത്തിലും ഗണ്യമായ കുറവ് വന്നിട്ടുണ്ട്. 21708 പേരാണ് രാജ്യത്തെ വിവിധ ആശുപത്രികളില്‍ ചികിത്സയില്‍ കഴിയുന്നത്. ഇവരില്‍ 1576 പേരുടെ നില ഗുരുതരാമായി തുടരുകയാണ്.
