കല്‍പ്പറ്റ: ഡിപ്ലോമാറ്റിക്ക് കാര്‍ഗോ സ്വര്‍ണ്ണം കള്ളക്കടത്ത് നടത്തി. രാജ്യദ്രോഹ കേസില്‍ പ്രതികളായവരുമായി ബന്ധമുളള മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറിയെ സംരക്ഷിക്കുന്ന മുഖ്യമന്ത്രി പിണറായി വിജയന്‍ രാജിവെക്കണമെന്ന് ആവശ്യപ്പെട്ട് കൊണ്ട് യൂത്ത് കോണ്‍ഗ്രസ്സ് വയനാട് ജില്ലാ കമ്മിറ്റിയുടെ നേതൃത്വത്തില്‍ കലക്ടറേറ്റിനു മുമ്പില്‍ പ്രൊട്ടസ്റ്റ് സ്‌ക്വയര്‍ സംഘടിപ്പിച്ചു . യൂത്ത് കോണ്‍ഗ്രസ് ജില്ലാ കമ്മിറ്റിയുടെ നേതൃത്വത്തില്‍ നടത്തിയ പ്രെട്ടസ്റ്റ് സ്‌ക്വയര്‍ കെ.സി റോസക്കുട്ടി ടീച്ചര്‍ ഉദ്ഘാടനം ചെയ്‌തു. യൂത്ത് കോണ്‍ഗ്രസ് ജില്ലാ പ്രസിഡന്റ് സംഷാദ് മരക്കാര്‍ അധ്യക്ഷത വഹിച്ചു. എം.കെ ഇന്ദ്രജിത്ത്, രോഹിത് ബോധി ,റോബിന്‍ പനമരം , ഷൈജല്‍ വി. സി, അഫ്‌സല്‍ ചീരാല്‍, കെ.മഹേഷ്, സുജിത്ത്.പി.എം, സിജു പൗലോസ്, കെ.വി.ശ്രീലക്ഷ്മി, സിറിള്‍ ജോസ്, അസീസ് വാളാട് , സാലി റാട്ടകൊല്ലി, ലയണല്‍ മാത്യു, നിഖില്‍ തോമസ് തുടങ്ങിയവര്‍ സംസാരിച്ചു
