ജില്ലാ പൊലീസ് മേധാവിയുടെ നേതൃത്വത്തില്‍ രണ്ട് ഡിവൈഎസ്പിമാരും ഒരു വനിതാ ഉദ്യോഗസ്ഥയുമടങ്ങുന്ന പ്രത്യേക സംഘമാണ് രോഗികളെ ചോദ്യം ചെയ്യാന്‍ തയാറെടുക്കുന്നത്. പിപിഇ കിറ്റ് ധരിച്ചാണ് ചോദ്യം ചെയ്യുക. ഇത്തരം രോഗികളെ പറ്റിയുള്ള വിവരങ്ങള്‍ കണ്ടെത്താന്‍ എസ്പിയുടെ നേതൃത്വത്തില്‍ വിവിധ ടീമുകളായി തിരിഞ്ഞ് ഇന്ന് മുതല്‍ പ്രത്യേക പരിശോധനകള്‍ നടത്തും.ജില്ലയില്‍ നിലവില്‍ ചികിത്സയിലുള്ള ചില രോഗികള്‍ സുപ്രധാന സമ്പര്‍ക്ക വിവരങ്ങള്‍ മറച്ചുവയ്ക്കുന്നുവെന്നാണ് ജില്ലാ ഭരണകൂടത്തിന്റെ നിഗമനം. . ഇത് കൂടാതെ ജില്ലയിലെ ഒരോ രോഗിയുടെയും സഞ്ചാര പാത പൊലീസും തയാറാക്കും. ഇതുവഴി ആരോഗ്യ വകുപ്പിന് ലഭിക്കാത്ത സമ്പര്‍ക്ക വിവരങ്ങള്‍കൂടി കണ്ടെത്താനാകുമെന്നാണ് പ്രതീക്ഷ
