വയനാട് കല്‍പ്പറ്റ ലിയോ ഹോസ്പിറ്റലില്‍ ന!ഴ്‌സുമാര്‍ സമരത്തില്‍. മാനേജ്‌മെന്റിന്റെ പ്രതികാര നടപടികള്‍ക്കെതിരെയും ആനുകൂല്യങ്ങള്‍ തടഞ്ഞുവെക്കുന്നതിനുമെതിരെയാണ് യുണൈറ്റഡ് നഴ്‌സസ് അസോസിയേഷന്‍ സമരമാരംഭിച്ചിരിക്കുന്നത്. ജീവനക്കാര്‍ക്ക് പി എഫ് ഉള്‍പ്പെടെയുള്ള ആനുകൂല്യങ്ങള്‍ മാനേജ്‌മെന്റ് നല്‍കുന്നില്ല.അധിക ജോലിക്കുള്ള വേതനവും അര്‍ഹമായ ലീവുകളും നിഷേധിക്കുന്നു. നഴ്‌സിങ്ങ് സൂപ്രണ്ട് സ്റ്റാഫുകളെ മാനസികമായി പീഢിപ്പിക്കുന്നു, തൊഴില്‍ സമരത്തെ തുടര്‍ന്ന് മാനേജ്‌മെന്റ് പ്രതികാര നടപടികളുമെടുക്കുന്നു എന്നിങ്ങനെയുള്ള പരാതികളാണ് നഴ്‌സുമാര്‍ക്കുള്ളത്. ഇതെല്ലാമാണ് നഴ്‌സുമാര്‍ സമരത്തിനിറങ്ങാന്‍ കാരണം.
