ആരോഗ്യ വകുപ്പിന്റെ നിര്ദേശ പ്രകാരം വീടുകളില് നിരീക്ഷണത്തിലുള്ളവര് പൊതു സ്ഥലങ്ങള് സന്ദര്ശിച്ചാല് കര്ശന നടപടി സ്വീകരിക്കുമെന്ന് ജില്ലാ കളക്ടര് അദീല അബ്ദുള്ള.സ്വകാര്യ സ്ഥാപനങ്ങളില് പഞ്ചിംഗ് നിര്ബന്ധമായും ഒഴിവാക്കണമെന്നും കളക്ടര് പറഞ്ഞു.ആദിവാസി മേഖലകളില് രോഗവ്യാപനം തടയുന്നതിന് പ്രത്യേക നിരീക്ഷണം ഏര്പ്പെടുത്തും.ജില്ലയിലെ വിവിധ കൊറോണ കെയര് സെന്ററുകളിലായി 175 കിടക്കകള് സജ്ജീകരിച്ചു. അത്യാവശ്യ ഘട്ടത്തില് റിസോര്ട്ടുകള്, കോളേജുകള്, വിദ്യാലയങ്ങള് എന്നിവയും കെയര് സെന്ററുകളാക്കി മാറ്റാന് തഹസില്ദാര്മാരെ ചുമതലപ്പെടുത്തി.ആദിവാസി മേഖലയില് രോഗ വ്യാപനം തടയുന്നതിന് കോളനികള് കേന്ദ്രീകരിച്ച് കുടുംബശ്രീ പ്രത്യേക നിരീക്ഷണം നടത്തും. അത്യാവശ്യഘട്ടത്തില് കോളനികളിലേക്ക് ഭക്ഷണധാന്യങ്ങള് ജില്ലാ ഭരണകൂടം എത്തിച്ച് നല്കും. കോളനികള് കേന്ദ്രീകരിച്ച് പ്രതിരോധ പ്രവര്ത്തനങ്ങള്ക്ക് ട്രൈബല് പ്രമോട്ടേഴ്സ്, ആശ പ്രവര്ത്തകര്, അയല്ക്കൂട്ടം എന്നിവരെ നിയോഗിക്കും. ജില്ലാ പഞ്ചായത്തിന്റെ ദുരന്ത നിവാരണ സേനയ്ക്ക് ആരോഗ്യ മേഖലയില് പ്രത്യേക പരിശീലനം കൊടുക്കുവാനും, ഡോക്ടര്മാര്ക്ക് വെന്റിലേഷന് പരിശീലനം നല്കാനും തീരുമാനിച്ചു. കൊറോണ പ്രതിരോധത്തിന്റെ ഭാഗമായി ജനങ്ങള് പൊതു ഇടങ്ങളും ഓഫീസുകളും സന്ദര്ശിക്കുന്നത് പരമാവധി ഒഴിവാക്കണമെന്നും ജില്ലാ കളക്ടര് അറിയിച്ചിട്ടുണ്ട്.
Sign in
Sign in
Recover your password.
A password will be e-mailed to you.