പള്ളിക്കുന്ന് ലൂര്‍ദ്മാതാ ദേവാലയ തിരുനാള്‍ ആഘോഷം ഫെബ്രുവരി രണ്ട് മുതല്‍ 18 വരെ നടക്കുന്ന ആഘോഷ കമ്മിറ്റി ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. 10,11 തീയതികളിലാണ് പ്രധാന തിരുനാള്‍.പ്ലാസ്റ്റിക് ഒഴിവാക്കിയുള്ള ആഘോഷങ്ങളാണ് ഇത്തവണയും നടത്തുക. രണ്ടിന് പകല്‍ 4.30ന് ആഘോഷങ്ങള്‍ക്ക് കൊടിയേറും. ഫാ. ആന്‍സെലം പള്ളിത്താഴത്ത് നേതൃത്വം നല്‍കും. പത്തിന് സമൂഹബലിക്ക് കണ്ണൂര്‍ രൂപതാ മെത്രാന്‍ ഡോ. അലക്സ് വടക്കുംതല മുഖ്യകാര്‍മികത്വം വഹിക്കും. അന്ന് മൊഗ ഷോയും ഉണ്ടാവും. 11ന് കോഴിക്കോട് രൂപത മെത്രാന്‍ ഡോ. വര്‍ഗീസ് ചക്കാലക്കലിന്റെ നേതൃത്വത്തിലാണ് ചടങ്ങുകള്‍. രാത്രി പാല കമ്യൂണിക്കേഷന്‍ നാടകം അവതരിപ്പിക്കും. രണ്ട് ദിവസവും നേര്‍ച്ച ഭക്ഷണം ഉണ്ടാവും.വാര്‍ത്താസമ്മേളനത്തില്‍ ഫാ. നിധിന്‍ ആന്റണി, കെ എ സെബാസ്റ്റിയന്‍, ജോബിന്‍ ജോസ്, ജിനേഷ് ജെയിംസ് എന്നിവര്‍ പങ്കെടുത്തു.
