എട്ട് എപ്പിസ്‌കോപ്പല്‍ സഭകളുടെ കൂട്ടായ്മ സുല്‍ത്താന്‍ ബത്തേരി എക്യുമെനിക്കല്‍ ഫോറത്തിന്റെ നേതൃത്വത്തില്‍ നടത്തുന്ന ഐക്യ ക്രിസ്തുമസ് ആഘോഷം ഈ വരുന്ന ഞായറാഴ്ച ഉച്ചക്ക് ശേഷം മൂന്ന് മണി മുതല്‍ ബത്തേരി സെന്റ് മേരീസ് ഓര്‍ത്തഡോക്‌സ് ദേവലായങ്കണത്തില്‍ നടത്തുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു.മാനന്തവാടി രൂപത വികാരി ജനറല്‍ മോണ്‍.ഡോ.അബ്രഹാം നെല്ലിക്കല്‍ ക്രിസ്തുമസ് സന്ദേശം നല്‍കും. തുടര്‍ന്ന് വിവിധ കലാപരിപാടികള്‍ അരങ്ങേറും.വാര്‍ത്താ സമ്മേളനത്തില്‍ ഫാദര്‍.ജെയിംസ് പുത്തന്‍പറമ്പില്‍ ,വര്‍ഗ്ഗീസ് കാട്ടാമ്പിള്ളില്‍ ,വി.എല്‍ മൈക്കിള്‍ തുടങ്ങിയവര്‍ പങ്കെടുത്തു.
