ഹരിത കേരള മിഷന്റെ ഭാഗമായി നെന്‍മേനി അമ്പുകുത്തി ഗവര്‍മെന്റ് എല്‍പി സ്‌കൂളിലെ രണ്ട് ഏക്കര്‍ തരിശ് ഭൂമിയില്‍ പച്ച തുരുത്ത് നിര്‍മാണത്തിന് തുടക്കം കുറിച്ചു.അത്തി, പപ്പായ, ബഡ് ചെയ്ത മാവ്, വിയറ്റ്‌നാംപ്ലാവ് എന്നീ ഫലവൃക്ഷങ്ങളും, കനേഡിയന്‍ കൊന്ന, അശോകം, മന്ദാരം, തുടങ്ങിയ പൂച്ചെടികളും ശാസ്ത്രീയമായ രീതിയില്‍ പ്രകൃതി മനോഹാരമായ വിധത്തില്‍ രൂപകല്‍പ്പന ചെയ്ത് നട്ടുവളര്‍ത്താനാണ് ലക്ഷ്യമിടുന്നത്.പഞ്ചായത്ത് അംഗം യു.കെ പ്രേമന്‍ തൈകള്‍ സംഭാവന ചെയ്തു.പഞ്ചായത്ത് പ്രസിഡന്റെ് കെ.സി.പത്മനാഭന്‍ തൈ നടല്‍ ഉല്‍ഘാടന കര്‍മ്മം നിര്‍വഹിച്ചു.കെ.സി.കെ.തങ്ങള്‍, ഹെഡ്മിസ്ട്രസ് ഷീല, പി.ടി.എ പ്രസിഡന്റ് ശരീഫ്, പി.ടി എ വൈസ് പ്രസിഡന്റ് ഷഫീഖ് തുടങ്ങിയവര്‍ സംസാരിച്ചു.
