സുല്‍ത്താന്‍ ബത്തേരി ടെക്‌നിക്കല്‍ ഗവ: വെക്കേഷണല്‍ ഹയര്‍ സെക്കണ്ടറി സ്‌കൂള്‍ ലൈബ്രറി ഉദ്ഘാടനവും ശ്രേഷ്ഠ ബാല്യം പദ്ധതി പൂര്‍ത്തീകരണ പ്രഖ്യാപനവും പ്രതിഭകളെ ആദരിക്കുന്ന ചടങ്ങും നടത്തി. ലൈബ്രറിയുടെ ഉദ്ഘാടനം ബത്തേരി നഗരസഭ ചെയര്‍മാന്‍ ടി.എല്‍ സാബുവും, എന്‍. എസ്. എസ് വളണ്ടിയേഴ്‌സ് ശ്രേഷ്ഠ ബാല്യം പദ്ധതിയിലുള്‍പ്പെടുത്തി നവീകരണം പൂര്‍ത്തീകരിച്ച തിരുനെല്ലി അംഗനവാടിയുടെ ഉദ്ഘാടനം നഗരസഭ കൗണ്‍സിലര്‍ രാധ രവീന്ദ്രനും നിര്‍വ്വഹിച്ചു. പി.ടി.എ. പ്രസിണ്ടന്റ് സന്തോഷ് കുമാര്‍ അദ്ധ്യക്ഷനായിരുന്നു. കൗണ്‍സിലര്‍ മാത്യൂസ്, സ്‌കൂള്‍ പ്രിന്‍സിപ്പാള്‍ ബേബി വിജിലിന്‍, സ്റ്റാഫ് സെക്രട്ടറി വി. ജി ബൈജു തുടങ്ങിയവര്‍ സംസാരിച്ചു.
