ആഡംബര വാഹനത്തില്‍ നിന്നും 300 ഗ്രാം കഞ്ചാവുമായി ആലപ്പുഴ സ്വദേശികളായ മൂന്ന് പേരെ പോലീസ് അറസ്റ്റ് ചെയ്തു .ആലപ്പുഴ വണ്ടാനം തയ്യില്‍ ഹാരിസ്(26),തൈപ്പറമ്പില്‍ ടി.എസ് സദ്ദാം(24),തയ്യില്‍ അസറുദ്ദീന്‍(20) എന്നിവരാണ് അറസ്റ്റിലായത്. ഇവര്‍ സഞ്ചരിച്ചിരുന്ന ഇന്നോവ കാറിന്റെ ഡിക്കിയില്‍ ഒളിപ്പിച്ച നിലയിലായിരുന്നു കഞ്ചാവ്.ഇവര്‍ക്കെതിരെ എന്‍ഡിപിഎസ് ആക്ട് പ്രകാരം കേസ് രജിസ്റ്റര്‍ ചെയ്തു. വയനാട് ജില്ല നാര്‍ക്കോട്ടിക്ക് ഡിവൈഎസ്പി വി.റെജികുമാറിന് ലഭിച്ച രഹസ്യവിവരത്തിന്റെ അടിസ്ഥാനത്തില്‍ ബത്തേരി എസ്‌ഐ അബ്ദുള്ളയും,ജില്ലാ പൊലീസ് മേധാവിയുടെ കീഴില്‍ പ്രവര്‍ത്തിക്കുന്ന ആന്റിനാര്‍ കോടിക് സ്‌കോഡും സംയുക്തമായി നടത്തിയ പരിശോധനയിലാണ് ബത്തേരി കുപ്പാടി നാലാംമൈല്‍ പണയമ്പത്ത് വച്ച് ഇവരെ പിടികൂടിയത്.
