കല്‍പ്പറ്റയ്ക്ക് സമീപം മടക്കിമലയില്‍ കോഴിക്കോട് ബാംഗ്ലൂര്‍ റൂട്ടിലോടുന്ന സ്വകാര്യ ലക്ഷ്വറി ബസ് നിയന്ത്രണം വിട്ടു മറിഞ്ഞു. അപകടത്തില്‍ 19 പേര്‍ക്ക് പരിക്ക്. ഇന്ന് രാവിലെ അഞ്ചരയോടെയായിരുന്നു അപകടം. മേലെ മടക്കിമലയില്‍ തടി മില്ലിന് മുന്‍വശത്തായാണ് ബസ് നിയന്ത്രണം വിട്ട് മറിഞ്ഞത്. അപകടം സംഭവിച്ച ഉടനെ തന്നെ തടിമില്ലിലെ ക്രെയിന്‍ ഉപയോഗിച്ച് ബസ് ഉയര്‍ത്തിയതിനാല്‍ വലിയ ദുരന്തം ഒഴിവായി. ഓടിക്കൂടിയ നാട്ടുകാരും പോലീസും ചേര്‍ന്നാണ് പരിക്കേറ്റവരെ കല്‍പ്പറ്റ ജനറല്‍ ആശുപത്രിയിലും കല്‍പറ്റയിലെ സ്വകാര്യ ആശുപത്രിയില്‍ പ്രവേശിപ്പിച്ചു്. പരിക്കേറ്റവരില്‍ ആരുടെയും നില ഗുരുതരമല്ല. ഡ്രൈവര്‍ ഉറങ്ങിപ്പോയതാകാം അപകടത്തിന് കാരണമെന്നാണ് പ്രാഥമിക നിഗമനം. ഇലക്ട്രിക് പോസ്റ്റിലിടിച്ച ശേഷമാണ് ബസ് മറിഞ്ഞത്.
