മേപ്പാടി പുനര്‍ജനി ആയുര്‍വ്വേദ സഹകരണ ആശുപത്രിയുടെ ഉദ്ഘാടനവും സൗജന്യ മെഗാ മെഡിക്കല്‍ ക്യാമ്പും പുത്തുമല ദുരന്തത്തിലെ സന്നദ്ധ പ്രവര്‍ത്തകരെ ആദരിക്കല്‍ ചടങ്ങും മേപ്പാടിയില്‍ നടന്നു. ആശുപത്രിയുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് കെകെ സഹദും സന്നദ്ധ പ്രവര്‍ത്തകരെ ആദരിക്കല്‍ ചടങ്ങിന്റെ ഉദ്ഘാടനം ജില്ലാ പഞ്ചായത്ത് പൊതുമരാമത്ത് സ്റ്റാന്റിങ്ങ് കമ്മിറ്റി ചെയര്‍മാന്‍ പി കെ അനില്‍ കുമാറും നിര്‍വഹിച്ചു. ഡോ അഭിലാഷ് മെഡിക്കല്‍ ക്യാമ്പിന്റെ ഉദ്ഘാടനം നിര്‍വഹിച്ചു. ജോബിഷ് കുമാര്‍ അദ്ധ്യക്ഷനായിരുന്നു. ലൈഫ് മിഷന്‍ ജില്ലാ കോ ഓര്‍ഡിനേറ്റര്‍ സിബി വര്‍ഗ്ഗീസ് തഹസില്‍ദാര്‍ അബ്ദുള്‍ ഹാരിസ് പിറ്റി അഷറഫ് തുടങ്ങിയവര്‍ സംസാരിച്ചു.
