പൊഴുതനയിലെ ഇടിയം വയലില്‍ വനാതിര്‍ത്തിയോട് ചേര്‍ന്ന ഭാഗത്ത് താമസിച്ചു വരുന്ന മഹേഷ്(23) ആണ് മരിച്ചത്. മൂന്ന് ദിവസം മുമ്പ് പനി ബാധിച്ച മഹേഷിനെ പൊഴുതന പ്രാഥമികാരോഗ്യ കേന്ദ്രത്തില്‍ പ്രവേശിപ്പിച്ച ശേഷം പനി ഗുരുതരമായതിനാല്‍ കോഴിക്കോട് മെഡിക്കല്‍ കോളേജിലേക്ക് മാറ്റുകയായിരുന്നു. തുടര്‍ന്ന് ചികിത്സയിലിരിക്കെ ഇന്ന് മരിക്കുകയായിരുന്നു. പ്രളയബാധിത മേഖലയായതിനാലും, പനി ബാധിച്ച് മൂന്ന് ദിവസങ്ങള്‍ക്കുള്ളില്‍ യുവാവ് മരിക്കുകയും ചെയ്തതിനെ അതീവ ഗൗരവമായാണ് ആരോഗ്യ വകുപ്പ് കാണുന്നത്. നാളെ നടക്കുന്ന ഡോക്സി ഡേ യുമായി ബന്ധപ്പെട്ട് എല്ലാവരും എലിപ്പനി പ്രതിരോധ ഗുളിക കഴിക്കണമെന്ന് ആരോഗ്യ വകുപ്പ് നിര്‍ദ്ദേശിച്ചു.
