ജൂണ്‍ 18 ന് ചൊവ്വാഴ്ച സംസ്ഥാനത്ത് മോട്ടോര്‍ വാഹന പണിമുടക്ക്. ജി.പി.എസ് നിര്‍ബന്ധമാക്കുന്നതില്‍ പ്രതിഷേധിച്ചാണ് പണിമുടക്കെന്ന് മോട്ടോര്‍ വാഹന സംരക്ഷണ സമിതി ഭാരവാഹികള്‍ തൃശ്ശൂരില്‍ അറിയിച്ചു. ബസ്,ഓട്ടോ,ലോറി,ടാക്‌സി വാഹനങ്ങള്‍ പണിമുടക്കില്‍ പങ്കെടുക്കും.
ജൂണ്‍ ഒന്ന് മുതലാണ് ഓട്ടോറിക്ഷ ഒഴികെ പൊതുഗതാഗത വാഹനങ്ങളില്‍ ജി.പി.എസ് നിര്‍ബന്ധമാക്കിയത്. പ്രാരംഭ ഘട്ടത്തില്‍ ജി.പി.എസ് ഇല്ലാത്ത വാഹനങ്ങള്‍ക്ക് പിഴ ഈടാക്കെടതില്ലെന്ന മോട്ടോര്‍ വാഹന വകുപ്പ് തീരുമാനിച്ചിരുന്നു. ജി.പി.എസ് ഉപകരണങ്ങള്‍ വേണ്ടത്ര ലഭ്യമല്ലെന്ന വാഹന ഉടമകളുടെ പരാതികള്‍കൂടി പരിഗണിച്ചായിരുന്നു തീരുമാനം.
