ഓട്ടോ ടാക്സി ലൈറ്റ് മോട്ടോര്‍ വര്‍ക്കേഴ്സ് യൂണിയന്‍ (സി.ഐ.ടി.യു) ജില്ലാ സമ്മേളനം മീനങ്ങാടി സി ഭാസ്‌കരന്‍ നഗറില്‍ സംഘടിപ്പിച്ചു. സമ്മേളനത്തിന്റെ ഉദ്ഘാടനം ഫെഡറേഷന്‍ ഓഫ് സംസ്ഥാന പ്രസിഡണ്ട് കെ.എ സുനില്‍കുമാര്‍ നിര്‍വ്വഹിച്ചു. ഓട്ടോ ടാക്സി ലൈറ്റ് മോട്ടോര്‍ വര്‍ക്കേഴ്സ് യൂണിയന്‍ ജില്ലാ പ്രസിഡണ്ട് കെ.എന്‍ കൃഷ്ണന്‍ അധ്യക്ഷനായിരുന്നു. പി.ജെ ആന്റണി രക്തസാക്ഷി പ്രമേയം നടത്തി. സംഘടന റിപ്പോര്‍ട്ട്, പ്രവര്‍ത്തന റിപ്പോര്‍ട്ട്, വരവ് ചിലവ് കണക്ക്, പുതിയ കമ്മിറ്റി തിരെഞ്ഞടുപ്പ് എന്നിവയും ഉണ്ടായിരുന്നു. കെ സുഗതന്‍, വി.എ അബ്ബാസ്, പി.ടി ഉലഹന്നാന്‍, പി.എസ് ബാബു തുടങ്ങിയവര്‍ പരിപാടിയില്‍ പങ്കെടുത്തു.
