കല്‍പ്പറ്റ: വയനാട് സ്ഥാനാര്‍ത്ഥി പ്രഖ്യാപനം വൈകുന്നതില്‍ വയനാട്ടിലെ യു.ഡി.എഫ് ഘടകകക്ഷികള്‍ക്കിടയില്‍ കടുത്ത നിരാശയുണ്ടെന്ന് യു.ഡി.എഫ് ചെയര്‍മാന്‍ പി.പി.എ കരീം പറഞ്ഞു. പ്രതിഷേധം ഹൈക്കമാന്‍ഡിനെ അറിയിക്കാന്‍ മുസ്ലിംലീഗ് സംസ്ഥാന നേതൃത്വത്തോട് ആവശ്യപ്പെട്ടു. ഇന്ന് തന്നെ സ്ഥാനാര്‍ത്ഥി പ്രഖ്യാപനം ഉണ്ടാകണമെന്നാണ് ആവശ്യപ്പെട്ടിരിക്കുന്നത് എന്നും പി.പി.എ കരീം. പ്രവര്‍ത്തനം പൂര്‍ണമായും നിലച്ചു. കോണ്‍ഗ്രസ് നേതൃത്വം ഇത് മനസ്സിലാക്കി പ്രവര്‍ത്തിക്കണമെന്നും യു.ഡി.എഫ് ചെയര്‍മാന്‍ പറഞ്ഞു. സ്ഥാനാര്‍ത്ഥി രാഹുല്‍ ഗാന്ധി ആണോ അല്ലയോ എന്ന് പറയാന്‍ വൈകുന്നത് മുന്നണിയെ മൊത്തത്തില്‍ ബാധിക്കുമെന്നും കരീം വ്യക്തമാക്കി.
