ഒരു മാസത്തോളമായി മരക്കടവ് വെരിക്കല്ലൂര്‍ പ്രദേശത്ത് ഭീതി പരത്തുന്ന കടുവയെ കൂടു വെച്ച് പിടികൂടാന്‍ വനം വകുപ്പ് തയ്യാറാകണമെന്ന് പെരിക്കല്ലൂര്‍ കേരള വ്യാപാരി വ്യവസായി ഏകോപന സമിതി ഭാരവാഹികള്‍ ആവശ്യപ്പെട്ടു. കടുവയുടെ ശല്യം ഉള്ളതിനാല്‍ ജനങ്ങള്‍ക്ക് വീടിന് പുറത്തിറങ്ങാന്‍ കഴിയാത്ത അവസ്ഥയാണുള്ളത്. ഇതിന് പരിഹാരം കാണാന്‍ സര്‍ക്കാരിന്റെ ഭാഗത്ത് നിന്ന് അടിയന്തിര നടപടി സ്വീകരിക്കണമെന്ന് ഭാരവാഹികളായ പി.കെ ജോണി, സുനി കെ.എസ്, അബ്ബാസ് എന്‍.എ.തുടങ്ങിയവര്‍ ആവശ്യപ്പെട്ടു
