ജില്ലയിലെ പ്രധാന അറിയിപ്പുകള്‍

വിദ്യാർത്ഥികൾക്ക് സ്കോളർഷിപ്പ് അപേക്ഷ

പിന്നാക്ക വികസന വകുപ്പ് മുഖേന അനുവദിക്കുന്ന ഒഇസി പ്രീമെട്രിക് വിദ്യാഭ്യാസാനുകൂല്യം, കെടാവിളക്ക് സ്കോളർഷിപ്പ്, പിഎം യശസ്വി ഒബിസി, ഇബിസി, ഡിഎൻടി പ്രീമെട്രിക് സ്കോളർഷിപ്പ് എന്നിവയിലേക്ക് അപേക്ഷിക്കാം. അർഹരായ വിദ്യാർത്ഥികളുടെ വിവരങ്ങൾ ജൂലായ് 15 നകം www.egrantz.kerala.gov.in എന്ന പോർട്ടൽ മുഖേന സ്കൂളിൽ നിന്ന് നൽകണം. കൂടുതൽ വിവരങ്ങൾക്ക് www.egrantz.kerala.gov.in, www.bcdd.kerala.gov.in സന്ദർശിക്കണം. ഫോൺ: 04952 2377786.

തയ്യൽ പരിശീലനം

എസ്ബിഐ ഗ്രാമീണ സ്വയം തൊഴിൽ പരീശീലന കേന്ദ്രത്തിൽ തയ്യൽ പരിശീലനം നല്‍കുന്നു. ജൂൺ ഒൻപതിന് ആരംഭിക്കുന്ന പരിശീലനത്തിന് 18-45 ന് ഇടയിൽ പ്രായമുള്ള തൊഴില്‍രഹിതരായ വനിതകൾക്കാണ് അവസരം. ഫോൺ: 6238213215, 8078711040.

മൊബൈൽ ടെക്‌നീഷ്യൻ നിയമനം

സമഗ്ര ശിക്ഷ കേരളം സ്റ്റാർസ് പദ്ധതിയുടെ ഭാഗമായി ആരംഭിച്ച സ്‌കിൽ ഡവലപ്മെന്റ് സെന്ററിൽ മൊബൈൽ ടെക്‌നീഷ്യൻ തസ്‌തികയിലേക്ക് നിയമനം നടത്തുന്നു. ഇലക്ട്രോണിക്‌സ് മേഖലയിൽ ഡിപ്ലോമ/ഐടിഐ അല്ലെങ്കിൽ സിഐടിഎസ് ട്രേഡിൽ സർട്ടിഫിക്കറ്റ് കോഴ്‌സ് എന്നിവയാണ് യോഗ്യത. മൊബൈൽ ഫോൺ റിപ്പയറിംഗ് മേഖലയിൽ രണ്ട് വർഷത്തെ പ്രവൃത്തി പരിചയവും ഒരു വർഷത്തെ പരിശീലന പരിചയവും വേണം. യോഗ്യത സർട്ടിഫിക്കറ്റുകളുടെ പകർപ്പുമായി ജൂൺ ഒൻപതിനകം കൽപ്പറ്റ സിവിൽ സ്റ്റേഷനിലെ എസ്എസ്കെ ജില്ലാ പ്രോജക്ട് ഓഫീസിൽ അപേക്ഷ നൽകണം. കൂടുതൽ വിവരങ്ങളും അപേക്ഷ ഫോമും https://ssakerala.in ൽ ലഭ്യമാണ്. ഫോൺ: 04936 203338.

സ്വയം തൊഴിൽ വായ്പ

സംസ്ഥാന പട്ടികജാതി പട്ടികവർഗ വികസന കോർപ്പറേഷൻ ദേശീയ പട്ടികവർഗ ധനകാര്യ വികസന കോർപ്പറേഷനുകളുടെ സഹായത്തോടെ നടപ്പിലാക്കുന്ന വിവിധ സ്വയം തൊഴിൽ വായ്പക്ക് അപേക്ഷ ക്ഷണിച്ചു. ജില്ലയിൽ നിന്നുള്ള പട്ടികജാതി വിഭാഗക്കാരായ യുവതീ-യുവാക്കൾക്ക് 50000 രൂപ മുതൽ നാല് ലക്ഷം രൂപ വരെ വായ്പ ലഭിക്കും. അപേക്ഷകർ തൊഴിൽരഹിതരും 18-55 നുമിടയിൽ പ്രായമുള്ളവരുമായിരിക്കണം. കുടുംബ വാർഷിക വരുമാനം മൂന്ന് ലക്ഷത്തിൽ അധികരിക്കരുത്.
അപേക്ഷക്കും വിശദവിവരങ്ങൾക്കും കോർപറേഷന്റെ കൽപ്പറ്റ പിണങ്ങോട് റോഡ് ജങ്ഷനിൽ പ്രവർത്തിക്കുന്ന ജില്ലാ ഓഫീസുമായി ബന്ധപ്പെടാം. ഫോൺ: 04936 202869, 9400068512.

കംപ്യൂട്ടർ ഇൻസ്ട്രക്ടർ, ലൈബ്രേറിയൻ

കണിയാമ്പറ്റ ചിത്രമൂലയിലെ ഗവ. മോഡൽ റസിഡൻഷ്യൽ സ്‌കൂളിലേക്ക് കംപ്യൂട്ടർ ഇൻസ്ട്രക്ടർ, ലൈബ്രേറിയൻ തസ്തികകളിലേക്ക് നിയമനം നടത്തുന്നു. കംപ്യൂട്ടർ ഇൻസ്ട്രക്ടർ തസ്തികയിലേക്ക് അപേക്ഷിക്കുന്നവർക്ക് ബന്ധപ്പെട്ട ട്രേഡിൽ ദേശീയ ട്രേഡ് സർട്ടിഫിക്കറ്റ്/കേരള ഗവണ്മെന്റ് പരീക്ഷയിൽ വിജയിച്ച സർട്ടിഫിക്കറ്റ് /വിഎച് എസ് ഇ /ബിഎസ്സി കമ്പ്യൂട്ടർ സയൻസ് /എംഎസ്സി കംപ്യൂട്ടർ സയൻസ്/പിജിഡിസിഎ എന്നിവയും ലൈബ്രേറിയൻ തസ്തികയ്ക്ക് ലൈബ്രറി സയൻസിൽ ബിരുദവും കംപ്യൂട്ടറൈസ്ഡ് ലൈബ്രറിയിൽ പ്രവൃത്തി പരിചയവുമാണ് യോഗ്യത. അപേക്ഷയും സർട്ടിഫിക്കറ്റുകളുടെ പകർപ്പുമായി ജൂൺ 10ന് രാവിലെ 10 ന് കമ്പ്യൂട്ടർ ഇൻസ്ട്രക്ടർ തസ്തികയിലേക്കും അന്നേ ദിവസം രാവിലെ 11ന് ലൈബ്രേറിയൻ തസ്തികയിലേക്കും നടക്കുന്ന വാക്ക് ഇൻ ഇന്റർവ്യൂ പങ്കെടുക്കണം. ഫോൺ: 04936 284818.

ജൂനിയർ പബ്ലിക് ഹെൽത്ത് നഴ്സ് നിയമനം

കണിയാമ്പറ്റ ചിത്രമൂലയിലെ ഗവ. മോഡൽ റസിഡൻഷ്യൽ സ്‌കൂളിലേക്ക് ജെപിഎച്ച്എൻ (ജൂനിയർ പബ്ലിക് ഹെൽത്ത് നഴ്‌സ്) നിയമനം നടത്തുന്നു. എസ്എസ്എൽസി അല്ലെങ്കിൽ തത്തുല്ല്യം, കേരള നഴ്‌സ് ആന്റ് മിഡ്‌വൈഫ്‌സ് കൗൺസിലിന്റെയോ ഇന്ത്യൻ നഴ്‌സിംഗ് മിഡ്‌വൈഫറിയുടെയോ നഴ്സിങ് സർട്ടിഫിക്കറ്റ്, കേരള നഴ്‌സ് ആന്റ് മെഡിക്കൽ കൗൺസിലിന്റെ ഹെൽത്ത് വർക്കേഴ്‌സ് ട്രെയിനിംഗ് സർട്ടിഫിക്കറ്റ് എന്നിവയാണ് യോഗ്യത. സർക്കാർ അംഗീകാരമുള്ള സ്ഥാപനങ്ങളിൽ പ്രവൃത്തി പരിചയമുളളവർക്ക് മുൻഗണനയുണ്ട്.18 നും 40നും ഇടയിൽ പ്രായമുള്ള ഉദ്യോഗാർത്ഥികൾ യോഗ്യതയും പ്രവൃത്തി പരിചയവും തെളിയിക്കുന്ന സർട്ടിഫിക്കറ്റുകളുടെ അസലുമായി ജൂൺ 10 ന് ഉച്ച രണ്ടിന് സ്‌കൂളിൽ വച്ച് നടത്തുന്ന വാക്ക്-ഇൻ ഇന്റർവ്യൂവിൽ പങ്കെടുക്കണം. ഫോൺ: 04936 284818.

പ്രവേശനം തുടങ്ങി

മാനന്തവാടി പി കെ കാളൻ മെമ്മോറിയൽ കോളജ് പുതിയ ക്യാമ്പസ്സിൽ പ്രവർത്തനം ആരംഭിച്ചു. ഐഎച്ആർഡിയുടെ മാനേജ്മെന്റിലുള്ളതും കണ്ണൂർ യൂണിവേഴ്സിറ്റിയിൽ അഫീലിയേറ്റ് ചെയ്തതുമായ കോളേജിൽ നാലുവർഷ ഡിഗ്രി കോഴ്സുകളായ ബി എസ് സി കമ്പ്യൂട്ടർ സയൻസ്, ബികോം കമ്പ്യൂട്ടർ ആപ്ലിക്കേഷൻ, ബികോം കോഓപ്പറേഷൻ, എന്നീ കോഴ്‌സുകളിലേക്കുള്ള പ്രവേശനം ആരംഭിച്ചു. www.ihrdadmissions.org മുഖേനയോ കോളേജിൽ നേരിട്ടെത്തിയോ അപേക്ഷ നൽകാം. ഫോൺ: 9387288283, 8547005060.