വയനാട് കളക്ടറായി ചുമതലയേറ്റെടുത്തതിന് ശേഷമുള്ള ആദ്യ സന്ദര്‍ശനത്തില്‍ മെഡിക്കല്‍ കോളേജ്,ജില്ലാശുപത്രിയിലെ വിവിധ യൂണിറ്റുകള്‍,ഒ.പി, ഓക്സിജന്‍ പ്ലാന്റ്,വാര്‍ഡുകള്‍ എന്നിവയുടെ പ്രവര്‍ത്തനങ്ങളാണ് കളക്ടര്‍ വിലയിരുത്തിയത്.ഏപ്രില്‍ 2ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യുന്ന മള്‍ട്ടി പര്‍പ്പസ് ബില്‍ഡിംഗ്,കാത്ത് ലാബ് എന്നിവയുടെ അവസാന ഘട്ട പ്രവര്‍ത്തനങ്ങളും കളക്ടര്‍ വിലയിരുത്തി.കളക്ടറുടെ മേല്‍നോട്ടത്തില്‍ മെഡിക്കല്‍ കോളേജില്‍ അവലോകന യോഗവും ചേര്‍ന്നു.ബ്ലോക്ക് പഞ്ചായത്ത് പ്രസിഡണ്ട് ജസ്റ്റിന്‍ ബേബി, ഡി.എം.ഒ ഡോ പി ദിനീഷ്, ആശുപത്രി സൂപ്രണ്ട് ഡോ.രാജേഷ്, ഡി.പി.എം ഡോ സമീഹ സൈതലവി, ആര്‍.എം.ഒ ഡോ. അര്‍ജുന്‍ ജോസ്, ജില്ലാ മാസ് മീഡിയ ഓഫീസര്‍ ഹംസ ഇസ്മാലി,നേഴ്സിംഗ് സൂപ്രണ്ട് തുടങ്ങിയവര്‍ കളക്ടറെ അനുഗമിച്ചു. മെഡിക്കല്‍ കേളേജിന്റെ പ്രവര്‍ത്തനങ്ങളില്‍ സംതൃപ്തയാണെന്നും കൂടുതല്‍ സൗകര്യങ്ങള്‍ ഏര്‍പ്പെടുത്തുന്ന കാര്യത്തില്‍ നടപടികള്‍ സ്വീകരിക്കുമെന്നും കളക്ടര്‍ പറഞ്ഞു
