രാഹുല്‍ ഗാന്ധിയുടെ പാര്‍ലമെന്റ് അംഗത്വം റദ്ദ് ചെയ്ത് ജനാധിപത്യത്തെ കശാപ്പ് ചെയ്ത നരേന്ദ്ര മോദിയുടെ ഫാസിസത്തിനെതിരെ വയനാട്ടില്‍ പ്രതിഷേധ സമരം ശക്തമാക്കാന്‍ യു.ഡി.എഫ് ജില്ലാ കമ്മിറ്റി തീരുമാനിച്ചു. വയനാട്ടുകാര്‍ എന്റെ കുടുംബാംഗങ്ങളാണെന്ന രാഹുല്‍ ഗാന്ധിയുടെ വാക്കുകള്‍ വയനാട്ടുകാര്‍ക്കുള്ള സമ്മാനവും അംഗീകാരവുമാണെന്ന് യോഗം വിലയിരുത്തി.യു.ഡി.എഫ്. സമരത്തിന്റെ ആദ്യഘട്ടമെന്ന നിലയില്‍ മാര്‍ച്ച് 29 ന് ബുധനാഴ്ച 4 മണിക്ക് പഞ്ചായത്തടിസ്ഥാനത്തില്‍ ജനകീയ പ്രതിഷേധ സംഗമം നടത്തും.ഏപ്രില്‍ 1ന് രാവിലെ 10 മണിക്ക് കല്‍പ്പറ്റ ടെലിഫോണ്‍ എക്‌സ്‌ചേഞ്ചിലേക്ക് മാര്‍ച്ച് നടത്തും.യു.ഡി.എഫ്. ദേശീയ-സംസ്ഥാന നേതാക്കള്‍ മാര്‍ച്ചില്‍ പങ്കെടുക്കും. ജില്ലാ കോണ്‍ഗ്രസ് കമ്മിറ്റി ഓഫീസില്‍ ചേര്‍ന്ന യോഗത്തില്‍ യു.ഡി.എഫ്. ചെയര്‍മാന്‍ കെ.കെ. അഹമ്മദ് ഹാജി അധ്യക്ഷത വഹിച്ചു. ഡി.സി.സി. പ്രസിഡണ്ട് എന്‍.ഡി. അപ്പച്ചന്‍ ഉദ്ഘാടനം ചെയ്തു. മുന്‍ മന്ത്രി പി.കെ. ജയലക്ഷ്മി, എം.എ. ജോസഫ്, പി.പി. ആലി, വി.എ. മജീദ്, എം.സി. സെബാസ്റ്റ്യന്‍, ടി. മുഹമ്മദ്, എന്‍.കെ. റഷീദ്, റസാഖ് കല്‍പ്പറ്റ, പി.കെ. അസ്മത്ത്, പ്രവീണ്‍ തങ്കപ്പന്‍, മുഹമ്മദ് ബഷീര്‍, യഹ്യാഖാന്‍ തലക്കല്‍, കെ. കുഞ്ഞിക്കണ്ണന്‍, വര്‍ക്കി സി.ജെ, ജോസഫ് കളപ്പുരക്കല്‍, മുഹമ്മദ് തെക്കേടത്ത്, വിനോദ്കുമാര്‍, കെ.എ. ആന്റണി എന്നിവര്‍ സംസാരിച്ചു.
