കൊമ്മയാട് സെന്റ്.സെബാസ്റ്റ്യന്‍സ് യു.പി.സ്‌കൂളിലെ സമ്പൂര്‍ണ കായികപരിശീലന പരിപാടി ഗെയിം ഓണിന് തുടക്കമായി. വയനാട് ജില്ലാ പഞ്ചായത്ത് ക്ഷേമകാര്യ സ്റ്റാന്റിംഗ് കമ്മറ്റി ചെയര്‍മാന്‍ ജുനൈദ് കൈപ്പാണി ഗെയിം ഓണ്‍ കായിക പരിശീലന പരിപാടിയും പുതിയ സ്‌പോര്‍ട്‌സ് കോര്‍ണറും ഉദ്ഘാടനം ചെയ്തു. സ്‌കൂള്‍മാനേജര്‍ ഫാ:ജോസ്. കപ്യാരുമല അധ്യക്ഷനായിരുന്നു. സ്‌കൂളിലെ എല്ലാ വിദ്യാര്‍ത്ഥികള്‍ക്കും ഇഷ്ടമുള്ള കായിക ഇനങ്ങളില്‍ പരിശീലനവും അവസരങ്ങളും നല്‍കുകയാണ് പദ്ധതിയുടെ ലക്ഷ്യം.
കൊമ്മയാടിന്റെ കായികപാരമ്പര്യം തിരികെ പിടിക്കാന്‍ ദൈനംദിനം കളികളില്‍ ഏര്‍പ്പെടുന്നതിനുള്ള കളിയുപകരണങ്ങള്‍ അധ്യാപകര്‍ ചേര്‍ന്ന് ഒരുക്കി. ബാറ്റ്മിന്റണ്‍ കോര്‍ട്ടുകള്‍, സെവന്‍സ് ഫുട്ബാള്‍ കോര്‍ട്ട്, ആധുനിക സംവിധാനത്തോടുകൂടിയ ക്രിക്കറ്റ് പിച്ച്, വ്യക്തിഗത പരിശീലനത്തിനായി വിവിധ പരിശീലന സാമഗ്രികള്‍ എന്നിവ ഒരുക്കിയിട്ടുണ്ട്. സ്‌കൂള്‍ പ്രധാനാധ്യാപന്‍ സി വി ജോര്‍ജ്ജ്, വാര്‍ഡ് മെമ്പര്‍ തോമസ്.പൈനാടത്ത്, പി.ടി.എ.പ്രസിഡണ്ട് ജിതേഷ്. പി.ടി.എ.വൈസ് പ്രസിഡണ്ട് നൗഷാദ്. സീനിയര്‍ ടീച്ചര്‍ ബീന ജോസഫ് എന്നിവര്‍ സംസാരിച്ചു. മധ്യവേനല്‍ അവധിക്കാലത്ത് വിവിധ ബാച്ചുകളിലായി കുട്ടികള്‍ക്ക് ബാറ്റ്മിന്റണ്‍, ഫുട്‌ബോള്‍,വോളിബാള്‍,ക്രിക്കറ്റ്,എന്നിവയില്‍ വിദഗ്ധര്‍ പരിശീലനം നല്കുകുമെന്ന് സ്റ്റാഫ് സെക്രട്ടറി ഷൈനി ജോണ്‍ അറിയിച്ചു.
