തലപ്പുഴ കൈതക്കൊല്ലിയിലും കടുവ സാന്നിധ്യം ഇന്ന് രാവിലെ ആറര മണിയോടെ കടുവയുടെ അലര്‍ച്ച കേട്ടതായി പ്രദേശവാസികള്‍. വനം വകുപ്പ് സംഘം സ്ഥലതെത്തി പരിശോധന നടത്തി. കമ്പമല കെ.എഫ്.ഡി.സി തേയില തോട്ടത്തിന് സമീപത്തെ വനത്തില്‍ നിന്നാണ് കടുവയുടെ അലര്‍ച്ച കേട്ടത്. പിലാക്കാവില്‍ കഴിഞ്ഞ ദിവസം ഒരു പശുവിനെ കടുവ കൊന്നിരുന്നു. പിലാക്കാവ് വനമേഖലയോട് ചേര്‍ന്ന് കിടക്കുന്ന വനപ്രദേശമാണ് മക്കിമലയും കൈതക്കൊല്ലി പ്രദേശവുമെല്ലാം. അതുകൊണ്ട് തന്നെ കടുവ സാനിധ്യം ഉറപ്പിക്കാമെന്നാണ് നാട്ടുകാര്‍ പറയുന്നത്. കമ്പമല തേയിലത്തോട്ടവും വനമേഖലയോട് പ്രദേശമാണ് കൂടാതെ ഒരു എല്‍.പി.സ്‌ക്കുളും അംഗണ്‍വാടിയുമെല്ലാം കൈത കൊല്ലിയിലുണ്ട്. കടുവയുടെ സാനിധ്യം പ്രദേശത്തെ ഭീതിയിലാഴ്ത്തിയിട്ടുണ്ട്.
