ഡിസംബര്‍ 21, 22, 23 തിയ്യതികളിലായി മീനങ്ങാടിയില്‍ നടന്ന വയനാട് ജില്ലാ ക്ഷീര സംഗമത്തോടനുബന്ധിച്ച് രാജ്യത്തെ മികച്ച ക്ഷീരസംഘമായി സംസ്ഥാനത്ത് നിന്നാദ്യം തെരഞ്ഞെടുക്കപ്പെട്ട് ഗോപാല്‍ രത്‌ന അവാര്‍ഡ് കരസ്ഥമാക്കിയ മാനന്തവാടി ക്ഷീരോല്‍ പാദക സഹകരണ സംഘത്തെ ആദരിച്ചു. മാനന്തവാടി എം എല്‍ എഒ . ആര്‍ കേളുവിന്റെ അധ്യക്ഷതയില്‍ നടന്ന ചടങ്ങില്‍ സംസ്ഥാന ക്ഷീരവികസന- മൃഗസംരക്ഷണ വകുപ്പ് മന്ത്രി ജെ. ചിഞ്ചുറാണിയുടെയും മറ്റ് ജനപ്രതിനിധികളുടെയും സാന്നിദ്ധ്യത്തില്‍ മില്‍മ ചെയര്‍മാന്‍ കെ.എസ് മണി സംഘം ഭാരവാഹികള്‍ക്ക് ഉപഹാരം കൈമാറി.
