പൂതാടി പഞ്ചായത്തിലെ പട്ടിക വര്‍ഗ്ഗ വിഭാഗക്കാര്‍ക്ക് അടിസ്ഥാന ആധികാരിക രേഖകള്‍ നല്‍കുന്ന എബിസിഡി ക്യാമ്പയിന് കേണിച്ചിറ സെന്റ് സെബാസ്റ്റിന്‍സ് പാരിഷ് ഹാളില്‍തുടക്കം.പൂതാടി പഞ്ചായത്തിലെ രേഖകള്‍ ലഭിക്കാത്ത 3100 ആദിവാസി കുടുംബങ്ങള്‍ക്കാണ് ഡിജിറ്റല്‍ രേഖ തയ്യാറാക്കി നല്‍കുന്നത്.സബ്ബ് കളക്ട്ടര്‍ ശ്രീലക്ഷ്മി ഉദ്ഘാടനം ചെയ്തു.പഞ്ചായത്ത് പ്രസിഡന്റ് മേഴ്‌സി സാബു,വൈ: പ്രസിഡന്റ് എം എസ് പ്രഭാകരന്‍,ട്രൈബല്‍ വകുപ്പ് ഉദ്യോഗസ്ഥര്‍ , ജനപ്രതിനിധികള്‍ തുടങ്ങിയവര്‍ പങ്കെടുത്തു.
ആധാര്‍ അടക്കം തെറ്റ് തിരുത്തുന്നതിനടക്കം ഉള്ള സൗകര്യങ്ങളാണ് ഏര്‍പ്പെടുത്തിയിരിക്കുന്നത്.പൂതാടി പഞ്ചായത്ത്,പട്ടിക വര്‍ഗ്ഗ വികസന വകുപ്പ്, ഐ ടി മിഷന്‍,അക്ഷയേ കേന്ദ്രം, മറ്റ് വിവിധ സര്‍ക്കാര്‍ വകുപ്പുകള്‍ എന്നിവരുടെ സഹായത്തോടെയാണ് പരിപാടി. ക്യാമ്പയിന് വ്യാഴാഴ്ച്ച സമാപിക്കും.
