വീട്ടില്‍ സൂക്ഷിച്ച നിലയില്‍ രണ്ട് കിലോ കഞ്ചാവ് പിടികൂടി.സംഭവത്തില്‍ രണ്ട് പേര്‍ പിടിയില്‍.ബത്തേരി ഫയര്‍ലാന്റ് വാടോത്ത് വീട് പുഷ്പരാജ് (43),കൈപ്പഞ്ചേരി ചേനക്കല്‍ വീട് യൂനസ്(40) എന്നിവരെയാണ് ജില്ലാ പൊലിസ് മേധാവിയുടെ കീഴിലുള്ള ലഹരി വിരുദ്ധ സേന പിടികൂടിയത്. പുഷ്പരാജിന്റെ വീട്ടില്‍നിന്നുമാണ് ഇന്ന് അഞ്ച് മണിയോടെ കഞ്ചാവ് കണ്ടെടുത്തത്.യൂനസ് കഞ്ചാവ് സൂക്ഷിക്കാന്‍ പുഷ്പരാജിനെ ഏല്‍പ്പിച്ചതാണന്നും പുല്‍പ്പള്ളിയില്‍ നിന്നും 40000 രൂപയ്ക്ക് വാങ്ങിയതാണ് കഞ്ചാവെന്നുമാണ് ചോദ്യം ചെയ്യലില്‍ പൊലീസിന് ലഭിച്ച വിവരം.
