ഓസ്കര് ജേതാവ് നടന് വില്യം ഹര്ട്ട് അന്തരിച്ചു
ഓസ്കര് ജേതാവായ നടന് വില്യം ഹര്ട്ട് (71) അന്തരിച്ചു. അദ്ദേഹത്തിന്റ മകനാണ് മരണവാര്ത്ത പുറത്തുവിട്ടത്. 72-ാം പിറന്നാള് ആഘോഷിക്കാനിരുന്നതിന്റെ ഒരാഴ്ച മുമ്പാണ് അച്ഛന്റെ വേര്പാടെന്നും കുടുംബത്തോടൊപ്പം സമാധാനപരമായാണ് അവസാന നിമിഷങ്ങള് അദ്ദേഹം ചിലവിട്ടതെന്നും മകന് പറഞ്ഞു.
1950ല് ജനിച്ച ഹര്ട്ട് ‘ബോഡി ഹീറ്റ്’ എന്ന ചിത്രത്തിലൂടെയാണ് ഏറെ ശ്രദ്ധ നേടിയത്. 1980കളില് നിറഞ്ഞുനിന്ന ഹര്ട്ട് ഈ കാലയളവിലാണ് വ്യത്യസ്തായ നിരവധി വേഷങ്ങള് അഭിനയിച്ചത്. 1971ല് നടി മേരി ബെത് ഹര്ട്ടിനെ വിവാഹം കഴിച്ചെങ്കിലും 1982ല് ഇവര് വേര്പിരിഞ്ഞു. 1989ല് ഹെയ്ഡി ഹെന്ഡേഴ്സണെ വിവാഹം കഴിച്ചെങ്കിലും 1992ല് ഈ ബന്ധവും അവസാനിച്ചു.