കാഞ്ഞിരത്തിനാല്‍ ജോര്‍ജ്ജിന്റെ ഭൂമി പ്രശ്നത്തില്‍ നിയമസഭാ കമ്മിറ്റി ഉടന്‍ ഇടപെടണമെന്ന് വയനാട് വികസന സമിതി പ്രസിഡണ്ട് പി.പി. ഷൈജല്‍ ആവശ്യപ്പെട്ടു. ജോര്‍ജ്ജിന്റെ മകന്‍ ജെയിംസിന്റ വക്കീലും ഹരിതസേന ചെയര്‍മാനുമായ അഡ്വ: വി.ടി. പ്രദീപ് കുമാര്‍ നിയമസഭാ പെറ്റീഷന്‍സ് കമ്മിറ്റി മുമ്പാകെ നല്‍കിയ പരാതി ഈ മാസം 14ന് സമിതിയുടെ പരിഗണനയ്ക്ക് വന്നിട്ടുണ്ട്. കമ്മിറ്റിയില്‍ അംഗമായിട്ടും ഈ വിഷയത്തില്‍ ഇടപെടാന്‍ എം.എല്‍.എ. തയ്യാറായിട്ടില്ല. ഇക്കാര്യത്തില്‍ ഗുരുതരമായ വീഴ്ച വരുത്തിയ കല്‍പ്പറ്റ എം.എല്‍. എ മാപ്പു പറയണമെന്നും പി.പി. ഷൈജല്‍ കല്‍പ്പറ്റയില്‍ വാര്‍ത്താ സമ്മേളനത്തില്‍ പറഞ്ഞു. വനംവകുപ്പ് ഉദ്യോഗസ്ഥരെയും കൂടി വിളിച്ചു വരുത്തി കല്‍പ്പറ്റയില്‍ തെളിവെടുപ്പ് നടത്തി ജോര്‍ജ്ജിന്റെ ഭൂമി തിരികെ നല്‍കാന്‍ നടപടി ഉണ്ടാവണമെന്നും ഷൈജല്‍ പറഞ്ഞു.
