ബത്തേരി താലൂക്ക് ആശുപത്രി പുതിയ ബ്ലോക്ക് കൂട്ടയ്മയിലൂടെ ശുചീകരിച്ചു. ഡിസംബര്‍ മാസത്തോട് തുറക്കാനിരിക്കുന്ന ഫെയര്‍ലാന്റിലെ ആറുനില കെട്ടിടമാണ് വിവിധ യുവജന കൂട്ടായിമയിലൂടെ ശുചീകരിച്ചത്. ഡി.വൈ.എഫ്.ഐ, യുവമോര്‍ച്ച,എ.ഐ.വൈ.എഫ്, എസ്.വൈ.എസ്, എസ്.കെ.എസ്.എസ്.എഫ്, ജനമൈത്രി പോലീസ്, യൂത്ത് ലീഗ് തുടങ്ങിയ വിവിധ യുവജന സംഘടനകളാണ് ശുചീകരണം നടത്തിയത്.അടുത്ത ദിവസങ്ങളില്‍ ആശുപത്രി അനുബന്ധ കെട്ടിടങ്ങളുടെ ശുചീകരണം യൂത്ത് കോണ്‍ഗ്രസ്സ്, സത്യസായി സേവാസംഘടന എന്നിവയുടെ നേതൃത്വത്തില്‍ ശുചീകരിക്കും. ശുചീകരണ പരിപാടിയുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡണ്ട് ലതാശശി നിര്‍വ്വഹിച്ചു. ജനപ്രതിനിധികള്‍,വിവിധ രാഷ്ട്രീയ കക്ഷി നേതാക്കള്‍, ആരോഗ്യ വകുപ്പ് ഉദ്യോഗസ്ഥര്‍ തുടങ്ങിയവര്‍ സംബന്ധിച്ചു.
