ദുരന്തനിവാരണ പ്രവര്‍ത്തനങ്ങള്‍ ഏകോപിപ്പിക്കുന്നതിന്റെ ഭാഗമായി കേരള എമര്‍ജന്‍സി ടീം എന്ന പേരില്‍ സന്നദ്ധ സേന രൂപീകരിച്ച് ദുരിതാശ്വാസ പ്രവര്‍ത്തനങ്ങള്‍ക്ക് തുടക്കം കുറിച്ചതായി ഭാരവാഹികള്‍ കല്‍പ്പറ്റയില്‍ വാര്‍ത്താസമ്മേളനത്തില്‍ അറിയിച്ചു. സംഘാംഗങ്ങള്‍ക്കായി നാളെ രാവിലെ എട്ട് മണി മുതല്‍ വൈകുന്നേരം അഞ്ച് മണി വരെ കല്‍പ്പറ്റയില്‍ ശാന്തി പെയിന്‍ ആന്റ് പാലിയേറ്റീവ് സെന്ററില്‍ ട്രോമാകെയര്‍ പരിശീലന ക്യാമ്പ് നടത്തും. ദുരന്ത നിവാരണത്തിനും രക്തദാനം, മദ്യം മയക്കുമരുന്ന് എന്നിവക്കെതിരെ ബോധവല്‍ക്കരണം, റിലീഫ് പ്രവര്‍ത്തനം എന്നിവയിലും അവശ്യ ഘട്ടങ്ങളില്‍ സേനാംഗങ്ങളുമായി ചേര്‍ന്ന് പ്രവര്‍ത്തിക്കുന്നതിനും യുവാക്കളെ സജ്ജരാക്കുകയാണ് കെ.ഇ.ടി. എമര്‍ജന്‍സി ടീം എന്നതുകൊണ്ട് ഉദ്ദേശിക്കുന്നത് പരിപാടി ജില്ലാ പഞ്ചായത്ത് പ്രസിഡണ്ട് കെ.ബി. നസീമ ഉദ്ഘാടനം ചെയ്യും.
