കള്ളടാക്സി പിടികൂടി ആര്‍ടിഒ ചെക്ക്പോസ്റ്റിലേല്‍പ്പിച്ചു. ഹൈദരാബാദില്‍ യാത്രക്കാരുമായി പോയി തിരിച്ചുവരികയായിരുന്ന ഇന്നോവ കാര്‍ മുത്തങ്ങ തകരപ്പാടിയില്‍വെച്ച് പിടികൂടി ആര്‍ടിഒ ചെക്ക് പോസ്റ്റില്‍ ഏല്‍പ്പിച്ചു. ബത്തേരിയിലെ ടാക്സി ഡ്രൈവര്‍മാരായ ജിനീഷ്, ഷമീര്‍, ജാഫര്‍, സിദ്ദീഖ് എന്നിവര്‍ചേര്‍ന്നാണ് കള്ളടാക്സി പിടികൂടി അധികൃതരെ ഏല്‍പ്പിച്ചത്.ജില്ലയില്‍ വ്യാപകമായി കള്ളടാക്സികള്‍ സര്‍വീസ് നടത്തുന്നതായും ഇതിനെതിരെ പൊലിസ്, ആര്‍ടിഒ അധികൃതര്‍ കര്‍ശന നടപടി സ്വീകരിക്കണമെന്നുമാണ് ടാക്സി ഡ്രൈവര്‍മാരുടെ ആവശ്യം. സംഭവത്തില്‍ ടാക്സിഉടമക്കെതിരെ ഇല്ലിസിറ്റ് ടാക്സി ഓപ്പറേഷന് കേസെടുത്തതായും തുടര്‍നടപടികള്‍ സ്വീകരിക്കുമെന്നും ആര്‍ടിഒ അധികൃതര്‍ വ്യക്തമാക്കി.
