ജനകീയ സി.ഐ കെ.ടി. ബെന്നിക്ക് വയനാട് സിറ്റി ക്ലബ്ബ് പുല്‍പ്പള്ളി യാത്രയയപ്പ് നല്‍കി. കഴിഞ്ഞ ഒരു വര്‍ഷത്തിലധികമായി പുല്‍പ്പള്ളി മേഖലയില്‍ നിയമപാലന രംഗത്തും കൊവിഡ് പ്രതിരോധ പ്രവര്‍ത്തനങ്ങളിലും മാതൃകാ പ്രവര്‍ത്തനങ്ങള്‍ നടത്തിയ സി.ഐയാണ് കെ.ടി.ബെന്നിയെന്ന് യാത്രയയപ്പ് യോഗം ഉദ്ഘാടനം ചെയ്ത് പഞ്ചായത്ത് പ്രസിഡണ്ട് ടി.എസ് ദിലീപ് കുമാര്‍ പറഞ്ഞു. ബത്തേരി സ്റ്റേഷനിലേക്കാണ് സി ഐ മാറുന്നത്. പഞ്ചായത്ത് സെക്രട്ടറി വി.ഡി. തോമസ്,സണ്ണി തോമസ്, സി.ഡി ബാബു, ബെന്നി മാത്യു എന്നിവര്‍ സംസാരിച്ചു.
