ഇന്ത്യയിലും ബ്രിട്ടണിലും കണ്ടെത്തിയ കൊറോണ വൈറസിന്റെ മാരകമായ വകഭേദങ്ങളെ പ്രതിരോധിക്കാന് കൊവാക്സിന് ശേഷിയുണ്ടെന്ന് നിര്മാതാക്കള്. ഇന്ത്യയില് തിരിച്ചറിഞ്ഞ ബി.1.617, ബ്രിട്ടണില് കണ്ടെത്തിയ ബി.1.1.7 എന്നീ വൈറസ് വകഭേദങ്ങളെ കൊവാക്സിന് നിര്വീര്യമാക്കുമെന്ന് പഠനത്തില് തെളിഞ്ഞതായി ഭാരത് ബയോടെക് അവകാശപ്പെട്ടു.
നാഷണല് ഇന്സ്റ്റിറ്റ്യൂട്ട് ഓഫ് വൈറോളജിയും ഇന്ത്യന് കൗണ്സില് ഓഫ് മെഡിക്കല് റിസേര്ച്ചും സംയുക്തമായി നടത്തിയ പഠനത്തിലാണ് കണ്ടെത്തലുള്ളത്. വൈറോളജി ഇന്സ്റ്റിറ്റ്യൂട്ടിന്റെയും, ഐ.സി.എം.ആറിന്റെയും സഹകരണത്തോടെയാണ് ഭാരത് ബയോടെക് കൊവാക്സിന് വികസിപ്പിച്ചത്.
