അവശ്യ സര്‍വീസായി പ്രഖ്യാപിച്ച കേബിള്‍ ടി വി ഇന്റര്‍നെറ്റ് മേഖലയില്‍ പ്രവര്‍ത്തിക്കുന്നവരെ ഫ്രണ്ട്‌ലൈന്‍ വര്‍ക്കേഴ്‌സ് ആയി ഉള്‍പ്പെടുത്തി വാക്‌സിനേഷന്‍ മുന്‍ഗണനാടിസ്ഥാനത്തില്‍ നല്‍കണമെന്ന് കേബിള്‍ ടി വി ഓപ്പറേറ്റേഴ്‌സ് അസോസിയേഷന്‍ ആവശ്യപ്പെട്ടു.കണ്ടെയ്ന്‍മെന്റ് സോണുകളിലും ക്വാറന്റെയിനില്‍ കഴിയുന്നവരുടെ വീടുകളില്‍ വരെ സര്‍വീസ് ചെയ്യേണ്ടി വരുന്ന സാഹചര്യമാണ് നിലവിലുള്ളത്. നിയമാനുസൃതമായ നടപടികള്‍ കൈകൊള്ളണമെന്നാവശ്യപെട്ട് സിഒഎ മുഖ്യമന്ത്രിക്കും ആരോഗ്യമന്ത്രിക്കും കഴിഞ്ഞദിവസം നിവേദനം നല്‍കിയിരുന്നു.
