വയനാട് വന്യജീവിസങ്കേതത്തിനുചുറ്റും ബഫര്‍സോണാക്കി ഇറങ്ങിയ കരട് വിജ്ഞാപനം പിന്‍വലിക്കണമെന്നാവശ്യപ്പെട്ട് സുല്‍ത്താന്‍ ബത്തേരി നഗരസഭയിലെ വാര്‍ഡ്‌സഭകള്‍ പാസാക്കിയ പ്രമേയം കേന്ദ്രവനംപരിസ്ഥിതി മന്ത്രാലയത്തിന് അയച്ചു.35 ഡിവിഷന്‍ കൗണ്‍സിലര്‍മാരും പ്രകടനമായെത്തി ചുങ്കം പോസ്റ്റ് ഓഫീസില്‍ നിന്നാണ് പ്രമേയം അയച്ചത്.നഗരസഭ ചെയര്‍മാന്‍ ടി കെ രമേഷ്, ഡെപ്യൂട്ടി ചെയര്‍പേഴ്‌സണ്‍ എല്‍സി പൗലോസ് തുടങ്ങിയവര്‍ നേതൃത്വം നല്‍കി.
