സുല്‍ത്താന്‍ ബത്തേരിയില്‍ പൊലീസ് സബ്ഡിവിഷന്‍ ആരംഭിക്കുന്നു.സംസ്ഥാനത്ത് പുതിയതായി പ്രഖ്യാപിച്ച 25 സബ് ഡിവിഷനുകളില്‍ ഒന്നാണ് ബത്തേരിയിലേക്ക് എത്തുന്നത്. ഇതോടെ ജില്ലയിലെ പൊലീസ് സബ്ഡിവിഷനുകളുടെ എണ്ണം മൂന്നാകും.
സംസ്ഥാന ആഭ്യന്തര വകുപ്പ് പുതുതായി പ്രഖ്യാപിച്ച 25 പൊലിസ് സബ്ഡിവിഷനുകളില്‍ ഒന്നാണ് ബത്തേരിയിലേക്ക് എത്തുന്നത്. ഇതോടെ ജില്ലയിലെ പൊലിസ് സബ് ഡിവിഷനുകളുടെ എണ്ണം മൂന്നായി ഉയരും.നിലവില്‍ കല്‍പ്പറ്റ, മാനന്തവാടി എന്നിവിടങ്ങളിലാണ് സബ് ഡിവിഷനുകളുള്ളത്.ഡിവിഷന്റെ ചുമതല ഡിവൈഎസ്പിക്കായിരിക്കും.ഇതോടെ ബത്തേരിയില്‍ ഡിവൈഎസ്പി ഓഫീസും ഉണ്ടാകും. മാനന്തവാടി, കല്‍പ്പറ്റ സബ് ഡിവിഷനുകളിലെ കീഴില്‍ വരുന്ന പൊലിസ് സ്‌റ്റേഷനുകള്‍ കൂടി ചേര്‍ത്തായിരിക്കും പുതിയ സബ് ഡിവിഷന്‍ രൂപീകരിക്കുക.മീനങ്ങാടി, അമ്പലവയല്‍, മേപ്പാടി, കേണിച്ചിറ, പുല്‍പ്പള്ളി, നൂല്‍പ്പുഴ എന്നീ സ്‌റ്റേഷനുകളായിരിക്കും പുതിയ സബ്ഡിവിഷനുകീഴില്‍ വരുക.തമിഴ്‌നാട്, കര്‍ണാടക സംസ്ഥാന അതിര്‍ത്തികള്‍ പങ്കിടുന്നട്രൈ ജംഗ്ഷന്റെ പ്രാധാന്യം കൂടി കണക്കിലെടുത്താണ് ബത്തേരി കേന്ദ്രീകരിച്ച് പുതിയ സബ്ഡിവിഷന്‍ വരുന്നത്.
