ഓട്ടോ ടാക്‌സി ലൈറ്റ് വെഹിക്കിള്‍ ഡ്രൈവേഴ്‌സ് യൂണിയന്‍ സിഐടിയു വിവിധ ആവശ്യങ്ങള്‍ ഉന്നയിച്ച് ആര്‍ടിഒ ഓഫീസ് മാര്‍ച്ച് നടത്തി. സിഐടിയു ജില്ലാ സെക്രട്ടറി വിവി ബേബി ഉദ്ഘാടനം ചെയ്തു. ഓട്ടോ ടാക്‌സി നിരക്ക് പരിഷ്‌കരിക്കുക, 15 വര്‍ഷം തികയാത്ത ഓട്ടോറിക്ഷകള്‍ ഒഴിവാക്കാനുള്ള നടപടി ഉപേക്ഷിക്കുക, ജിപിഎസ് നിര്‍ബന്ധമാക്കിയത് പിന്‍വലിക്കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു സമരം.
ജില്ലയുടെ വിവിധ ഭാഗങ്ങളില്‍ നിന്നും നിരവധി ഡ്രൈവര്‍മാര്‍ സമരത്തില്‍ പങ്കെടുത്തു. സമരത്തില്‍ വി.എ അബ്ബാസ് അധ്യക്ഷനായിരുന്നു. പി.എം സന്തോഷ്, കെ. സുഗതന്‍ തുടങ്ങിയവര്‍ സംസാരിച്ചു.
