മഹാത്മാഗാന്ധിയുടെ പേരക്കുട്ടിയുടെ മകന്‍ കൊവിഡ് ബാധിച്ച് മരിച്ചു. ഗാന്ധിയുടെ മകന്‍ മണിലാല്‍ ഗാന്ധിയുടെ പേരമകന്‍ സതീഷ് ദുപേലിയ ആണ് മരിച്ചത്. 66 വയസായിരുന്നു.
ന്യൂമോണിയ ബാധിച്ച് ഒരു മാസത്തോളമായി ചികിത്സയിലായിരുന്നു. ഇതിനിടെയാണ് കൊവിഡ് ബാധിച്ചത്.
അദ്ദേഹത്തിന് കൊവിഡ് സംബന്ധമായ ആരോഗ്യ പ്രശ്നങ്ങളുണ്ടായിരുന്നതായി സഹോദരി ഉമ ദുപേലിയ അറിയിച്ചു.മഹാത്മാഗാന്ധിയുടെ ദക്ഷിണാഫ്രിക്കയിലെ പ്രവര്‍ത്തനകള്‍ മുന്നോട്ടുകൊണ്ടുപോയിരുന്നത് മണിലാല്‍ ഗാന്ധിയായിരുന്നു. പിന്നീട് മാറിവന്ന തലമുറകള്‍ ഏറ്റെടുത്തു. ഡര്‍ബനിലെ ഗാന്ധി ഡെവലപ്മെന്റ് ട്രസ്റ്റുമായി ബന്ധപ്പെട്ട ചുമതല സതീഷ് ദുപേലിയക്കായിരുന്നു.
