അധ്യാപികയും സി.കെ രാഘവന് മെമ്മോറിയല്‍ ട്രസ്റ്റിന്റെ ചെയര്‍പേഴ്‌സ ണുമായിരുന്ന വി.ജെ കമലാക്ഷി ടീച്ചറെ അനുസ്മരിച്ചു. കല്ലുവയല്‍ ജയശ്രീ സ്‌കൂളില്‍ അനുസ്മരണ സമ്മേളനം മന്ത്രി കടന്നപ്പള്ളി രാമചന്ദ്രന്‍ വീഡിയോ കോണ്‍ഫറന്‍സിലൂടെ ഉദ്ഘാടനം ചെയ്തു.
ഒരു പ്രദേശത്തിന്റെയാകെ വിദ്യാഭ്യാസ മുന്നേറ്റത്തിന് തുടക്കം കുറിച്ച അധ്യാപികയായിരുന്നുവെന്നും,സ്‌കൂള്‍ ആരംഭിക്കുന്നതില്‍ ഭര്‍ത്താവും പൊതു പ്രവര്‍ത്തകനുമായിരുന്ന സി കെ രാഘവന് ശക്തി പകര്‍ന്നത് കമലാക്ഷി ടീച്ചറായിരുന്നു വെന്നും അദ്ദേഹം പറഞ്ഞു.
പുല്‍പ്പള്ളി ഗ്രാമപഞ്ചായത്ത് പ്രസിഡന്റ് ബിന്ദു പ്രകാശ് അധ്യക്ഷയായിരുന്നു. പനമ രം ബ്ലോക്ക് പഞ്ചായത്ത് പ്രസിഡന്റ് ടി എസ് ദിലീപ്കുമാര്‍ മുഖ്യ പ്രഭാഷണം നടത്തി. പൂതാടി ഗ്രാമപഞ്ചായത്ത് പ്രസിഡന്റ് രുഗ്മിണി സുബ്രഹ്മണ്യന്‍, മുള്ളന്‍കൊല്ലി ഗ്രാമപഞ്ചായത്ത് വൈസ് പ്രസിഡന്റ് സി.കെ ശിവരാമന്‍, ജില്ലാ പഞ്ചാായത്തംഗ ങ്ങളായ വര്‍ഗീസ് മരിയന്‍ കാവില്‍, ഒ ആര്‍ രഘു, ഗ്രാമപഞ്ചായത്തംംഗങ്ങളായ അനില്‍ മോന്‍ തുടങ്ങിയവര്‍ സംസാരിച്ചു.
